საკალათბურთო ევროლიგის მე-8 ტურში, მოსკოვის ცსკა-მ ბასკონიას უმასპინძლა და მძიმე ბრძოლაში სამი ქულის სხვაობით, 89:86 დაამარცხა.

პირველი ტაიმი მასპინძელთა დიდი უპირატესობით წარიმართა და მოსკოველები დიდ შესვენებაზე 12-ქულიანი უპირატესობით გავიდნენ.

ესპანურმა კლუბმა თამაშის ხარისხის გამოსწორება შეხვედრის მეორე ნახევარში შეძლო და მესამე მეოთხედის შემდეგ სხვაობა ოთხი ქულით შეამცირა. გადამწყვეტ მეოთხედში დუშკო ივანოვიჩის გუნდმა ანგარიშის გათანაბრებაც მოახერხა, თუმცა ბოლო წუთებში ცსკა-მ 5-ქულიანი გაქცევა მოაწყო და საბოლოოდ მნიშვნელოვანი გამარჯვებაც რუსულ გუნდს დარჩა.

მატჩის საუკეთესო მოთამაშე რუსული გუნდის ამერიკელი ლეგიონერი, დარან ჰილარდი იყო, რომელმაც აქტივში 31 ქულა, 1 მოხსნა და 2 შედეგიანი გადაცემა ჩაიწერა.

რაც შეეხება თორნიკე შენგელიას, ქართველმა კალათბურთელმა ყოფილი გუნდის წინააღმდეგ ითამაშა და საკმაოდ ნაყოფიელი შედეგიც დადო. მოსკოველთა ქართველმა ლეგიონერმა პარკეტზე 27 წუთი და 11 წამი გაატარა. ამ დროში თორნიკემ რამდენიმე ლამაზ ეპიზოდთან ერთად მარაგში 12 ქულა, შვიდი მოხსნა და ოთხი ასისტი მიითვალა.

Теперь @TokoShengelia23 выступил в роли ассистента. Отличный данк Николы 😍#CSKAbasket

pic.twitter.com/cOz1ZTjnjc
— CSKA Moscow (@cskabasket) November 12, 2020

შენგელიამ ცსკა-სთან ერთად ყოფილი გუნდი დაამარცხა

ცსკა 89:86 ბასკონია

ასევე იხილეთ

უახლესი ამბები