ლეგენდარული არგენტინელი ფეხბურთელი, დიეგო მარადონა 60 წლის ასაკში გარდაიცვალა.

გარდაცვალების მიზეზად გულის შეტევა სახელდება, რომელიც მას სახლში ყოფნისას შეემთხვა.

შეგახსენებთ, რომ ცოტა ხნის წინ, დიეგოს თავში არსებული ჰემატომის გამო, ოპერაციული ჩარევა დასჭირდა, რომელიც მისი პირადი ექიმის, ლეოპოლდო ლუკას თქმით, მას წარამტებით ჩაუტარდა.

სხვადასხვა დროს, ბოკა ხუნიორსში, ბარსელონაში, ნაპოლიში, სევილიასა და ნიუელს ოლდ ბოიზში ითამაშა.

მისი საუკეთესო პერიოდი ნაპოლიში ყოფნის წლებს უკავშირდება. ნეაპოლურ კლუბთან ერთად, დიეგო მარადონამ ორჯერ იტალიის სერია ა-ს, ხოლო ერთხელ კი უეფას თასის მოგება მოახერხა.

რაც შეეხება სანაკრებო კარიერას, დიეგომ 1986 წელს, არგენტინის ნაკრებს მსოფლიო ჩემპიონატი მოაგებინა. "ალბისელესტეს" მაისურით ჩატარებულ 90 შეხვედრაში, მარადონამ 34 გოლის გატანა მოახერხა.

დიეგო მარადონა გარდაიცვალა

დიეგო მარადონა 60 წლის ასაკში გარდაიცვალა

ასევე იხილეთ

უახლესი ამბები