26 ნოემბერს, ევროპა ლიგის მე-4 ტურის მატჩები გაიმართება, სადაც ქართველი ფეხბურთელებიც მიიღებენ მონაწილეობას.

ავსტრიული ვოლსბერგი საკუთარ კედლებში ზაგრების დინამოს დაუხვდება. უნდა ითქვას, რომ მასპინძლების რიგებში ლუკა ლოჩოშვილი და გური გიორბელიძე ირიცხებიან.

გიორბელიძეს ტრავმის გამო თამაში კარგა ხანია არ უწევს, ხოლო ლოჩოშვილი დაცვის ხაზის შეუცვლელი წევრია და შესაბამისად დღევანდელ შეხვედრაშიც მიიღებს მონაწილეობას.

გეტყვით, რომ ხორვატებს 5 ქულა აქვთ და პირველ ადგილზე არიან, ხოლო ქართველების ვოლსბერგი მეორე პოზიციას იკავებს - 4 ქულა.

საინტერესო შეხვედრა გაიმართება ბელგიაში, რომელშიც სტანდარდისა და პოლონური ლეხის ჯახს ვიხილავთ.

სტუმართა განაცხადში ნიკა კაჭარავა იქნება, რომელიც ძირითადად შეცვლებზე შედის ხოლმე. ლეხს 3 ქულა აქვს და პირველ ადგილზე მყოფ რეინჯერსს 4 ქულით ჩამორჩება.

დაძაბულ მატჩს ელოდებიან ნიდერლანდებშიც. პსვ ბერძნულ პაოკს დაუხვდება.

სტუმრებს 5 ქულა აქვთ და მეორე ადგილზე იმყოფებიან, ხოლო მასპინძლები 3 ქულით, მე-3 ადგილს იკავებენ.

პაოკის რიგებში ნიკა ნინუა ირიცხება, რომელიც, დიდი ალბათობით, განაცხადში იქნება.

ქართველები ევროპა ლიგაზე

26 ნოემბერს, მე-4 ტურის მატჩები გაიმართება

ასევე იხილეთ

უახლესი ამბები