ესპანეთის ლა ლიგის მე-15 ტურში, კატალონიის ბარსელონა რეალ ვალიადოლიდს ესტუმრა და მეტოქეს სამი უპასუხო გოლი გაუტანა. გატანილი გოლებით თავი კლემან ლენგლემ, მარტინ ბრაითვეითმა და ლიონელ მესიმ გამოიჩინეს.

აღსანიშნავია, რომ ვალიადოლიდის კარში გატანილი გოლი ლეო მესისთვის ბარსელონურ კარიერაში რიგით 644-ე იყო და ერთი კლუბის მაისურით გატანილი გოლების რაოდენობით მან ლეგენდარული ბრაზილიელი ფორვარდის, პელეს (643 გოლი სანტოსში) რეკორდი გააუმჯობესა.

არგენტინელმა ფორვარდმა "ლურჯ - ბროწეულისფერთა" რიგებში 451 გოლი ლა ლიგაში გაიტანა, ჩემპიონთა ლიგაზე - 118, ესპანეთის სამეფო თასზე - 53. ხოლო, სხვადასხვა ტურნირებზე, როგორიცაა ესპანეთის სუპერთასი, ევროპის სუპერთასი და მსოფლიოს საკლუბო ჩემპიონატი, "ლა პულგას" აქ ჯამში 22 გოლი აქვს გატანილი.

644 goals for Barcelona 🐐

Leo Messi breaks Pele’s record for most goals scored at a single club @brfootball pic.twitter.com/zdez2NAvkO
— Bleacher Report (@BleacherReport) December 22, 2020

მიმდინარე სეზონში, 6-გზის "ოქროს ბურთის" მფლობელს ესპანეთის ჩემპიონატში შვიდი გოლი აქვს გატანილი და საუკეთესო ბომბარდირს, ხერარდ მორენოს ერთი ზუსტი დარტყმით ჩამორჩება. ასევე, მესის უეფას ჩემპიონთა ლიგის მიმდინარე გათამაშებაში სამი გოლი უგროვდება.

მომდევნო შეხვედრას ბარსელონა ლა ლიგის ეგიდით გამართავს. 2020 წლის ბოლო მატჩში, რომელიც 29 დეკემბერს გაიმართება, კატალონიელები უესკას უმასპინძლებენ. მოცემული მდგომარეობით, რონალდ კუმანის გუნდს სატურნირო ცხრილში 24 ქულა აქვს, მე-5 პოზიციაზეა და ლიდერ მადრიდის ატლეტიკოს 8 ქულით ჩამორჩება.

მესიმ პელეს რეკორდი დაამხო

მესიმ ბარსელონას მაისურით 644-ე გოლი გაიტანა

პელეს რეკორდი დამხობილია

უახლესი ამბები