დავით ზირაქაშვილს და მამუკა გორგოძეს საფრანგეთში აფასებენ
ჩვენებურებს პრესტიჟული ფრანგული გამოცემა ემშვიდობება

midi-olympique აქვეყნებს სტატიას, რომელიც ლეგენდარულ ქართველ მორაგეებს, მამუკა გორგოძესა და დავით ზირაქაშვილს ეძღვნება. ყველასთვის ცნობილია, რომ ზემოთხსენებულ სპორტსმენებს კარიერა მიმდინარე სეზონის დასრულების შემდეგ უნდა დაესრულებინათ, თუმცა პანდემიის გამო ყველაფერი ისე არ წარიმართა, როგორც მათ და ცხადია გულშემატკვირებს სურდათ.

ფრანგული გამოცემები ხშირად წერენ, რომ ზირაქაშვილი და გორგოძე ღირსეულ გაცილებას იმსახურებენ, მაგრამ COVID–19–ის გამო ეს ყველაფერი ვერ ხერხდება. გულშემატკივრები დავით ზირაქაშვილს კლერმონის ლეგენდას უწოდებენ. როგორც თავად "ზირაქა" ამბობს, ის კარიერის ბევრნაირ დასასრულზე ფიქრობდა, თუმცა ასეთი ნამდვილად არ წარმოედგინა და ამის გამო გული სწყდება.

მამუკას თქმით კი ეს მისი კარიერის ყველაზე საშინელი დასასრული იქნება. 16 წლის განმავლობაში, ჩვენებურმა რაგბის ყველაფერი მისცა, ახლა კი ვირუსი სეზონის ჩამთავრების და ღირსეული გაცილების საშუალებას არ იძლევა.

L'édito du jeudi par @Leo_Faure 🗣️https://t.co/nTHB5mEoq6
— Midi Olympique (à la🏠) (@midi_olympique) May 7, 2020

"დღეს გვსურს ტოპ 14–ის ორ გამორჩეულ ქართველ მორაგბეზე – მამუკა გორგოძეზე და დავით ზირაქაშვილზე გესაუბროთ. ისინი საფრანგეთში კარიერის გასაგრძელებლად ამ საუკუნის დასაწყისში ჩამოვიდნენ და მაშინ ნამდვილად რთული წარმოსადგენი იყო, რომ მომავალში დავითი და მამუკა ასეთ დიდ გავლენას მოახდენდნენ საფრანგეთის ჩემპიონატზე.

მათ განაცხადეს, რომ კარიერას ასრულებენ და ყველაზე სამწუხარო ისაა, რომ ეს ძალიან ჩუმად მოხდება. ყველანი ვთანხმდებით, რომ როცა საქმე ასეთ მორაგბეებს ეხება, საქმე სხვაგვარად უნდა იყოს...

ზირაქაშვილმა ეროვნულ ნაკრებში 53 მატჩი გამართა, ხოლო გორგოძემ 75 და თითოეულ შეხვედრაში, ისინი მაქსიმუმს აკეთებდნენ წარმატებისთვის. მათ საკუთარი ქვეყნის წინაშე ვალი პირნათლად მოიხადეს. გვჯერა, ისინი რომ საფრანგეთში დაბადებულიყვნენ, აუცილებლად ითამაშებდნენ ჩვენს ნაკრებში და ამ შემთხვევაშიც ლიდერთა შორის იქნებოდნენ.

გვსურს, რომ ამ ბიჭებს მადლობა გადავუხადოთ ყველაფრისთვის. მათ ძალები არასოდეს დაუზოგავთ, როგორც ნაკრებში, ასევე საკლუბო დონეზე. საინტერესო დამთხვევაა, რომ ამ ორი მოთამაშის კარიერის დასასრულიც ისეთივე მორიდებული და წყნარი გამოდგა, როგორებიც ისინი ცხოვრებაში არიან.

ძალიან ვწუხვართ, რომ ყველაფერმა ოვაციებისა და საპატიო წრის გარეშე ჩაიარა, თუმცა მთავარია მათი სახელები, რომლებიც გულშემატკივრებს ყოველთვის ემახსოვრებათ და როგორც მამუკამ, ასევე დავითმა იციან, რომ მათ უამრავი ადამაინი აფასებს, რომელთა შორის ჩვენც ვართ და გვეამაყება, რომ წლების განმავლობაში ისინი საფრანგეთში თამაშობდნენ", – ნათქვამია განცხადებაში.

ზირაქაშვილი კლერმონის ღირსებას 2004 წლიდან იცავდა და მან ამ პერიოდის განმავლობაში ორჯერ შეძლო საფრანგეთის ჩემპიონობა. გორგოძე კი 2005–14 წლებში მონპელიეში გამოდიოდა. ამის შემდეგ კი ტულონის მაისური მოირგო.

ასევე იხილეთ: VIDEO | მსოფლიო რაგბი მამუკა გორგოძეს დაემშვიდობა

ფრანგული გამოცემა ქართველ მორაგბეებს ემშვიდობება!

ასევე იხილეთ

უახლესი ამბები