Metaratings-თან ინტერვიუში ქართული ფეხბურთის ლეგენდამ, გიორგი ქინქლაძემ ხვიჩა კვარაცხელიაზე ისაუბრა.

მისი თქმით, არაერთი ქართველი ტალანტი დაიკარგა, თუმცა კვარაცხელია სულ სხვაა:

“ხვიჩა კვარაცხელიას და გიორგი ჩაკვეტაძეს პირველ ადგილზე ვაყენებ. ისინი ქართული ფეხბურთის ტალანტები არიან, თუმცა მაკედონიასთან მოედანზე არ იყვნენ. ხვიჩა ბოლო წლებში გაიცნეს, მაგრამ მე მას მანამდეც ვიცნობდი.

ხვიჩა სხვაა, ის განსხვავებულია და არ ჰგავს იმ სხვა ქართველ ტალანტებს, რომლებმაც შესაძლებლობები ვერ გამოავლინეს. ასეთი საქართველოში არაერთი იყო, მათზე ბევრს საუბრობდნენ, თუმცა გაქრნენ, ხვიჩა კი სხვაა. მას ყველა თვისება აქვს იმისთვის, რომ უძლიერეს ევროპულ ჩემპიონატში ითამაშოს. ის ადრეული ასაკიდანვე პროფესიონალია“, - თქვა მან.

შეგახსენებთ, საქართველოს ნაკრებმა ერთა ლიგის D დივიზიონის ფინალურ მატჩში მარცხი იწვნია. ვლადიმირ ვაისის შეგირდები მაკედონიასთან 0:1 დამარცხდნენ.

გიორგი ქინქლაძე: “ხვიჩა სხვაა, ის განსხვავებულია...“

ქინქლაძემ კვარაცხელიაზე ისაუბრა

ასევე იხილეთ

უახლესი ამბები