ეროვნული ლიგის მე-14 ტურში თბილისის დინამო ქუთაისის ტორპედოს შეხვდა და 2:1 დაამარცხა.

იმერლების კარის მიმართულებით 2 პენალტი დაიდო, რამაც მატჩის საბოლოო შედეგზე უდიდესი გავლენა იქონია.

ტორპედოს ოფიციალურმა Facebook გვერდმა განცხადება გააკეთა, სადაც მსაჯების შეცდომაზეა საუბარი:

“მინდა ყურადღება გაამახვილოთ მატჩის 82-ე წუთზე დადებულ პენალტამდე მომხდარ მომენტზე.

ფაქტი, რომელმაც გადამწყვეტი გავლენა მოახდინა თამაშზე. პირველ მომენტში აშკარად ჩანს დინამო თბილისის თავდამსხმელი, როგორ არღვევს თამაშის წესს ჩვენი გუნდის ცენტრალური მცველის წინააღმდეგ. ყოვლად დაუშვებელია არბიტრის მიერ მსგავსი დამოკიდებულება, როდესაც აშკარა დარღვევას არ აფიქსირებს.

კლუბი აღნიშნულ ფაქტს რეაგირების გარეშე არ დატოვებს! ჩვენ მივმართავთ ყველა ზომას, რათა გასაჩივრდეს მატჩი და განიხილოს თავიდან, როგორც აღნიშნული მომენტი ასევე მთელი თამაშის განმავლობაში დაშვებული მსაჯის ყველა შეცდომა, რომელიც ხშირ შემთხვევაში ტორპედოს წინააღმდეგ იყო მიმართული.

ქუთაისის ტორპედო მსგავს დამოკიდებულებას არ იმსახურებს! აქვე გვინდა ჯანმრთელობა ვუსურვოთ დინამო თბილისის თავდამსხმელ დავით სხირტლაძეს“, - წერია განცხადებაში.

ტორპედოს განცხადება! - მსაჯების უხეში შეცდომები...

დინამომ ტორპედო 2:1 დაამარცხა

ასევე იხილეთ

უახლესი ამბები