ჭიდაობის მსოფლიო გაერთიანებამ დაგეგმილი ტურნირები გააუქმა
ოლიმპიადის სალიცენზიო ტურნირები მაისსა და ივნისსში გადაიდო

გუშინ, 11 მარტს, შვეიცარიაში ჭიდაობის მსოფლიო გაერთიანების შეკრება გაიმართა, სადაც ტურნირების ჩატარებასთან დაკავშირებით გადაწყვეტილება მიიღეს.

მსოფლიო ჯანდაცვის ორგანიზაციამ, გუშინვე COVID-19 პანდემიად გამოაცხადა, რის შემდეგაც არაერთი სპორტული თუ არასპორტული ღონისძიება გადაიდო/გაუქმდა. მათ შორის, კი გადაწყვეტილება ჭიდაობის მსოფლიო გაერთიანებამაც მიიღო.

როგორც მოგეხსენებათ, ზაფხულის ოლიმპიურ თამაშებზე მოსახვედრად მოჭიდავეებს სპეციალური, სალიცენზიო ტურნირების ჭიდაობა უწევთ. მარტისა და აპრილის თვეში კი სწორედ ამ ტიპის ტურნირები იყო დაგეგმილი. 19-22 მარტს, უნგრეთის დედაქალაქ ბუდაპეშტში ტოკიო 2020-ის ევროპის საკვალიფიკაციო ტურნირი უნდა გამართულიყო, მოგვიანებით კი "ბოლო შანსს" - მსოფლიოს საკვალიფიკაციო ტურნირს ბულგარეთის დედაქალაქ სოფიაში, 30 აპრილიდან 3 მაისის ჩათვლით უნდა ემასპინძლა. თუმცა, მსფლიოში კორონავირუსის სწრაფი ტემპებით გავრცელების გამო, UWW-მ ტურნირები გადადო.

European, World Last Chance Olympic Qualifiers Postponedhttps://t.co/T43kv3JHEQ pic.twitter.com/cXgePth5hN
— United World Wrestling (@wrestling) March 11, 2020

ვინაიდან საერთაშორისო ოლიმპიური კომიტეტი ამ ეტაპისთვის ზაფხულის ოლიმპიური თამაშების გადადებას არ გეგმავს, ჭიდაობის სალიცენზიო ტურნირები მოგვიანებით, მაისისა და ივნისისთვის გადაიდო. ბუდაპეშტში გასამართი ტურნირი მაისის შუა რიცხვებში, სოფიას სალიცენზიო შეჯიბრი კი ივნისის დასაწყისში დაიგეგმა.

აღსანიშნავია, რომ გარდა ჭიდაობისა, შეჯიბრებები ძიუდოსა და ძალოსნობაშიც გადაიდო. ძიუდოს საერთაშორისო ფედერაციის გადაწყვეტილებით, უახლოეს ორ თვეში გასამართი ყველა დონის ტურნირი გადაიდო, მათ შორის თბილისის გრან პრიც, რომელიც 27-29 მარტს უნდა გამართულიყო. გადაიდო ასევე ძალოსნობის ევროპის ჩემპიონატიც, რომელიც რუსეთის დედაქალაქ მოსკოვში 4-12 აპრილს იყო დაგეგმილი. ევროპის ჩემპიონატის გამართვის სავარაუდო თარიღად 13-21 ივნისი სახელდება. მსოფლიო ჩემპიონატი გადადო ასევე ფიგურული ციგურაობის საერთაშორისო ფედერაციამაც.

შეგახსენებთ, რომ პანდემია COVID-19-ის პირველი შემთხვევები უკვე დაფიქსირდა. აქამდე კორონავირუსი ჰანოვერის ფეხბურთელს, ტიმო ჰუბერსა და იუვენტუსის მცველს, დანიელე რუგანის დაუდასტურდათ. დღეს დილით კი ცნობილი გახდა, რომ იუტა ჯაზის ორ კალათბურთელს, რუდი გობერსა და ემანუელ მუდიეს ტესტები COVID-19-ზე დადებითია. NBA-მ კი სეზონი მინიმუმ 3-4 კვირით გადადო.

ცნობისთვის, ოფიციალური მონაცემებით, მსოფლიოში პანდემია COVID-19-ით ინფიცირებული 126 258 ადამიანია ინფიცირებლული, გარდაცვლილთა რაოდენობა კი 4638-ს მიაღწია. აღსანიშნავია ისიც, რომ მსოფლიოში კორონავირუსისგან უკვე 68 284 ადამიანი გამოჯანმრთელდა. ევროპაში კორონავირუსით 22 747 ადამიანია დაინფიცირებული, 944 კი გარდაცვლილია.

ასევე იხილეთ: ინტერი პანიკამ მოიცვა, იუვენტუსს კორონა უტევს!

ჭიდაობის ტოკიო 2020-ის სალიცენზიო ტურნირები კორონავირუსის გამო გადაიდო

ასევე იხილეთ

უახლესი ამბები