როგორც უკვე გაუწყეთ, ლეგენდარულმა მაიკ ტაისონმა, რინგზე დაბრუნება და საქველმოქმედო ბრძოლების გამართვა რამდენიმე თვის წინ დააანონსა. მასთან შეხვედრის სურვილი რამდენიმე სპორტსმენმა გამოთქვა.

საბოლოოდ "რკინის მაიკის" პირველ მეტოქედ. როი ჯონსი შეირჩა. მოკრივეები ერთმანეთის პირისპირ 28 ნოემბერს წარსდგებიან და გამარჯვებულს სპეციალური ქამარი გადაეცემა, წარწერით Black Lives Matter.

ლეგენდარული ტაისონი ამბობს, რომ მისთვის გულშემატკივრების წინაშე ისევ გამოჩენა უდიდესი პასუხისმგებლობაა და ამ ბრძოლისთვის განსაკუთრებულად ემზადება. მაიკი მეტოქის დანდობას სულაც არ აპირებს და თუ შანსი მიეცემა, სიამოვნებით დაანოკაუტებს მას.

Bro https://t.co/eeRxDXZ5ku
— Ariel Helwani (@arielhelwani) November 17, 2020

54 წლის ასაკში, მაიკი ბრწყინვალე ფორმაშია. შეგახსენებთ, რომ ბრძოლის დროს, გამოიყენებენ ქულების დათვლის დისტანციურ სისტემას. მსაჯების რანგში კი სამი სხვადასხვა ჩემპიონი გამოვა, რომელთა ვინაობაც საზოგადოებისთვის ცნობილი ოდნავ მოგვიანებით გახდება. შოუს მიმდინარეობას კი კალიფორნიის შტატის ათლეტური კომისია გააკონტროლებს.

ტაისონთან შეხვედრის დიდი სურვილი აქვს მის ძველ მეტოქეს, ლეგენდარულ ევანდერ ჰოლიფილდს, რომლის წარმომადგენელმაც რამდენიმე დღის წინ განაცხადა, რომ "რკინის მაიკის" ჰოლიფილდთან შეხვედრის ეშინია, რადგან უამრავი შეთავაზების მიუხედავად, მისგან თანხმობა ვერ მიიღეს.

მაიკ ტაისონის დაბრუნების დრო ახლოვდება!

ბრძოლის დრო ახლოვდება

ლეგენდა რინგს უბრუნდება

ასევე იხილეთ

უახლესი ამბები