Football Manager 2021-ის დეველოპერმა განაცხადა, რომ სხვადასხვა ფეხბურთელების აგენტები თამაშის ავტორების მოსყიდვას არაერთხელ ცდილობდნენ, რომ თამაშში მათი კლიენტების მაჩვენებლები უფრო მაღალი ყოფილიყო. სტუდია Sports Interactive-ის ხელმძღვანელმა - მაილზ ჯეიკობსონმა ამის შესახებ The Football Manager Show-ის პოდკასტში ისაუბრა.

დეველოპერის თქმით Football Manager 2021-ში მაღალი მაჩვენებლებით ფეხბურთელების აგენტებს მსხვილი კლუბების სკაუტების ყურადღების მიქცევა სურთ. ჯეიკობსონმა განაცხადა, რომ სპორტული გუნდების მწვრთნელები Football Manager-ის რეიტინგს აკვირდებიან და ახალგაზრდა პერსპექტიულ მოთამაშეებს ასე ეძებენ, მაგალითად ჩელსის და ტოტენჰემის ყოფილმა მწვრთნელმა ანდრე ვილაშ-ბოაშმა განაცხადა, რომ Football Manager-ს სატრანსფერო ბაზრის შესასწავლად და ფეხბურთელების მოსაძებნად იყენებდა.

Football Manager 2021 საფეხბურთო კლუბის მთავარი მწვრთნელი სიმულატორია. თამაში PC-ზე 24 ნოემბერს გამოვიდა, ხოლო Xbox-ის კონსოლებზე კი 1 დეკემბერს გამოვა. თამაშების ციფრულ მაღაზია Steam-ში სიმულატორმა "ძალიან დადებითი" შეფასებები მიიღო.

ფეხბურთელების აგენტები Football Manager-ის შემქმნელების მოსყიდვას ცდილობდნენ

ასევე იხილეთ

უახლესი ამბები