32 წლის კრის ეშტონი მალე ახალ კლუბში ითამაშებს
ინგლისელმა ვარსკვლავმა გადაწყვეტილება მიიღო

კრის ეშტონმა სეილ შარქსის დატოვების გადაწყვეტულება მიიღო. ინგლისელმა გარემარბმა ახალ კლუბთან შეთანხმებას უკვე მიაღწია. ის სამშობლოში დარჩება და მალე ჰარლექუინის მაისურს მოირგებს.

ეშტონი სეილ შარქსში 2018 წლიდან გამოდიოდა და 27 მატჩში 19 ლელოს დადება შეძლო. მანამდე ის ტულონის, სარასენსის და ნორსჰემპტონის ღირსებას იცავდა.

Ashton signs for Harlequins after Sale exit 🏉

Harlequins have signed former England 🏴󠁧󠁢󠁥󠁮󠁧󠁿 winger Chris Ashton following his departure from Sale Sharks ✍️
— Sky Sports Rugby Union (@SkySportsRugby) March 4, 2020

აღსანიშნავია, რომ კრის ეშტონს ჩემპიონთა თასზე ყველაზე მეტი – 40 ლელო აქვს დადებული. მან ასევე რეკორდი დაამყარა ერთ სეზონში დადებული ლელოების რაოდენობით. ტულონში ყოფნის დროს ტოპ 14–ში 24–ჯერ შეძლო მეტოქეთა დალელოვება.

ინგლისის ჩემპიონატში ეშტონმა 86 ლელო დაუდო მოწინააღმდეგეებს. ამ მაჩვენებლით ის ყველა დროის საუკეთესო მელოლევეებს შორის მესამე პოზიციას იკავებს.

რაც შეეხება ინგლისის ეროვნულ ნაკრებს, კრისმა 44 ჩატარებულ შეხვედრაში 20 ლელო დადო. უკანასკნელი მატჩი კი "წითელი ვარდების" კვართით 2019 წლის თებერვალში გამართა.

კრის ეშტონი: "მიხარია, რომ ახალი კლუბი უკვე ვიპოვე. ჩვენ შეთანხმების მისაღწევად დიდი დრო არ დაგვჭირვებია. სამშობლოში დარჩენა ჩემთვის მნიშვნელოვანი ფაქტორი იყო."

ასევე იხილეთ: ათი საინტერესო ფაქტი "ოლ ბლექსის" შესახებ

ინგლისის ვარსკვლავმა ახალი კლუბი უკვე იპოვა

ასევე იხილეთ

უახლესი ამბები