ინგლისში სარაგბო სეზონი დასრულებულად გამოცხადდა
მიზეზი ამ შემთხვევაშიც კორონავირუსია

ინგლისის რაგბის კავშირის აღმასრულებელმა დირექტორმა, ბილ სვინმა გაავრცელა წერილი, სადაც ნათქვამია, რომ ინგლისში 2019–20 წლების სეზონი დასრულებულია, თუმცა ეს არ ეხება მხოლოდ პრემიერშიპს.

COVID–19 მსოფლიოს მაშტაბით ყოველდღიურად აგრძელებს გავრცელებას. ეპიცენტრი კვლავ ევროპაშია. აღნიშნული გადაწყვეტილების მიღებამდე ინგლისის რაგბის კავშირმა გაიარა კონსულტაციები სხვადასხვა უწყებებთან. მოისმინა რეკომენდაციები და საბოლოოდ მიიჩნიეს, რომ სეზონის დასრულებულად გამოცხადება ამ ეტაპზე საუკეთესო გამოსავალია.

The RFU has confirmed the end of the 2019/20 season for all league, cup and county rugby in England with the exception of the Gallagher Premiership, which the RFU is in active discussions with.

Please read the full statement below.
— England Rugby (@EnglandRugby) March 20, 2020

"ჩვენ გავმართეთ შეხვედრები როგორც ადგილობრივ, ასევე საერთაშორისო ორგანიზაციებთან. სეზონის დასრულების გადაწყვეტილება ხანგრძლივი დაგეგმარების შედეგად იქნა მიღებული. მსოფლიო უდიდესი გამოწვევის წინაშე დგას და ახლა ყველაზე მნიშვნელოვანი ადამიანების ჯანმრთელობაა. ჩვენ ვალდებულნი ვართ, რომ მათ უსაფრთხოებაზე ვიზრუნოთ. ინგლისის რაგბის კავშირი მაქსიმალურად ცდილობს, ასეთ რთულ ვითარებაში შესაბამისი დახმარება გაუწიოს კლუბებს", – ნათქვამია განცხადებაში.

ამ ეტაპზე უცნობია თუ რა ბედი ეწევა ინგლისის პრემიერშიპს. შეგახსენებთ, რომ გასულ კვირას ორგანიზატორებმა ტურნირი ხუთი კვირით გადადეს, თუმცა COVID–19–ის ამჟამინდელი გავრცელების ტემპს თუ გავითვალისწინებთ, არ არის გამორიცხული, რომ ეს პერიოდი საკმარისი არ აღმოჩნდეს.

ბოლო მონაცემებით ინგლისში დაინფიცირებულთა რიცხვმა 4014–ს მიაღწია. გარდაცვლილია 178 ადამიანი და გამოჯანმრთელდა 67 პაციენტი.

აქვე შეგახსენებთ, რომ კორონავირუსის გამო გადადებულია ისეთი მსხვილი სარაგბო ტურნირი, როგორიცაა ექვსი ერი. ვირუსმა დღისწესრიგი შეუცვალა სპორტის სხვა სახეობებსაც. ATP–მა & WTA–მ ერთობლივი გადაწყვეტილება მიიღეს, რომლის თანახმადაც ჩოგბურთი რვა ივნისამდე შეჩერებულია. გაუქმებულია NBA–ის მატჩებიც, ფეხბურთში ერთი წლით გადაიდო ევროპის ჩემპიონატი და კოპა ამერიკა.

ასევე იხილეთ: შალვა მამუკაშვილი კარიერას პრემიერშიპის ყველაზე ტიტულოვან კლუბში გააგრძელებს

ინგლისში სარაგბო სეზონი დასრულებულია !

ასევე იხილეთ

უახლესი ამბები