უეინ პივაკი ხელფასის დაკლებას დათანხმდა
ახალზელანდიელი ხელმძღვანელების თხოვნას გაგებით მოეკიდა

ყოველდღიურად იზრდება იმ სპორტული გუნდების რაოდენობა, რომლებიც თავინთ მწვრთნელებს, სპორტსმენებს და თანამშრომლებს ხელფასებს დროებით უმცირებენ. ამის მიზეზი კი ის გახლავთ, რომ მსოფლიოში არსებული პანდემიის გამო, სპორტული ღონისძიებები გაურკვეველი ვადით გაუქმდა ან გადაიდო.

ირკვევა, რომ უელსის ეროვნული ნაკრების ახალზელანდიელი მწვრთნელი, უეინ პივაკი ხელფასის 25%–ით დაკლებას დათანხმდა. ცნობილია, რომ იგივე გააკეთა უელსური რაგბის მმართველი ორგანიზაციის აღმასრულებელმა დირექტორმა – მარტინ ფილიპსმაც.

შეგახსენებთ, რომ ხელფასის დაკლებას ასევე დათანხმდა ინგლისის ნაკრების თავკაცი ედი ჯოუნსიც, რომელიც საჭიროების შემთხვევაში მზადაა, რომ 25%–ზე მეტი დაიკლოს.

სამწუხაროდ კორონავირუსი ყოველდღიურად აგრძელებს გავრცელებას და უელსის ადგილობრივი მთავრობის გადაწყვეტილებით, მათი ნაკრების სტადიონი დროებით საავადმყოფოდ გადაკეთდება. იქ კი 2000 საწოლი განთავსდება. რაც შეეხება უელსურ სარაგბო კლუბ სკარლეტს, მან ინიციატივა თავად გამოიჩინა, რომ საჭიროების შემთხვევაში მათი მოედანიც გამოიყენონ.

ასევე აღსანიშნავია სონი ბილ უილიამსის გადაწყვეტილებაც. მსოფლიოში ყველაზე მაღალანაზღაურებადმა მორაგბემ, რომელსაც ტორონტოში ორ წლიანი ხელშეკრულების თანახმად 9,7 მილიონი უნდა მიეღო, გადაწყვიტა, რომ ხელფასი დაიკლოს.

ასევე იხილეთ: ექვსი ერი | ინგლისი VS უელსი | მიმოხილვა

უელსის ნაკრების მწვრთნელი ხელფასის დაკლებას დათანხმდა

ასევე იხილეთ

უახლესი ამბები