ჯონი მეიმ გადაწყვეტილება მიიღო
ინგლისელი გლოსტერში დაბრუნდება

თავდაპირველად ბრიტანული მედია იტყობინებოდა, რომ ინგლისის ეროვნული ნაკრებისა და ლესტერ ტაიგერსის გარემარბმა გადაწყვიტა ამჟამინდელი კლუბი მიმდინარე სეზონის დასრულებისთანავე დატოვოს და ყოფილ კლუბს – გლოსტერსს დაუბრუნდეს.

ოდნავ მოგვიანებით ეს ინფორმაცია კლუბის ოფიციალურმა გვერდმა დაადასტურა და ჯონი მეის ყველაფრისთვის მადლობა გადაუხადა. ინგლისელი გლოსტერის აღზრდილია და იქ 117 მატჩი აქვს ჩატარებული.

Jonny May will depart Leicester Tigers at the conclusion of the 2019/20 season.#ThankYouJonny 🙌 pic.twitter.com/m6ZoDW262B
— Leicester Tigers 𝘧𝘳𝘰𝘮 𝘩𝘰𝘮𝘦 🏠 (@LeicesterTigers) April 11, 2020

"ველფორდ როუდზე" მეი 2017 წელს გამოჩნდა, სადაც ის საკმაოდ შედეგიანი იყო. 44 მატჩში მოწინააღმდეგეები 30–ჯერ დაალელოვა. რაც შეეხება ინგლისის ეროვნულ ნაკრებს, 56 შეხვედრაში მის აქტივში 29 ლელო გახლავთ.

"არსებობს რამდენიმე მიზეზი, რის გამოც მე ლესტერ ტაიგერსში ვერ დავრჩები. აქ უამრავი მეგობარი შევიძინე. დავრწმუნდი, რომ ამ კლუბში შესანიშნავი ადამიანები მუშაობენ და მათ სამომავლოდ საუკეთესოს ვუსურვებ.

ასევე მსურს დიდი მადლობა გადავუხადო გულშემატკივრებს, რომლებიც ნებისმიერ დროს გვერდში უდგანან საყვარელ კლუბს. მე ვამაყობ ჩემი აქ გატარებული პერიოდით. მინდა გითხრათ, რომ ლესტერ ტაიგერსმა კარგი გამოცდილება შემმატა", – განაცხადა ჯონი მეიმ.

ასევე იხილეთ: ინგლისის ვარსკვლავმა ახალი კლუბი უკვე იპოვა

ჯონი მეი ლესტერ ტაიგერსს ტოვებს და ყოფილ კლუბს უბრუნდება

ასევე იხილეთ

უახლესი ამბები