უელსელ მორაგბეებს COVID-19 ჰქონდათ
მათ ვირუსი უკვე დაამარცხეს

როგორც უეინ პივაკი აცხადებს, უელსის ეროვნული ნაკრების სამ მორაგბეს ინფექცია შეეყარა და მათ ამ "მკვლელ ვირუსთან" ბრძოლა მოუწიათ. საბედნიეროდ, სამივე მათგანი გამოჯანმრთელდა.

ამ ეტაპზე სპორტსმენების ვინაობა არ სახელდება, თუმცა ირკვევა, რომ ისინი ახლა თვითიზოლაციაში იმყოფებიან. პივაკის თქმით, მას არ სურს, რომ სამომავლოდ დაგეგმილი მატჩები გაუქმდეს.

Wales: Three players contracted coronavirus https://t.co/Cm8n6xTuxg
— Tom Morrison (@TomMorrison9) April 17, 2020

"ჩემს მიერ არსებული ინფორმაციით შემიძლია დაგიდასტუროთ, რომ უელსის ეროვნულ ნაკრებში COVID–19 სამ მორაგბეს დაუდგინდა. საბედნიეროდ, მათ შეძლეს მისი დამარცხება და გამოჯანმრთელდნენ.

დარწმუნებული ვარ, რომ არავის სურს დაგეგმილი მატჩების გაუქმება. ჩვენ ყველა ერთ ნავში ვსხედვართ. იმისთვის, რომ კონკრეტული თამაში გადარჩეს, ამისთვის საჭიროა ფული. თუ სპორტი დიდი ხნით შეჩერდება, ეს უდიდეს ზარალს გამოიწვევს", – აცხადებს უეინ პივაკი.

უელსის ნაკრებმა ზაფხულში სამი მატჩი დაგეგმა. პირველი 27 ივნისს იაპონიასთან უნდა გაიმართოს. ამის შემდეგ ისინი ახალ ზელანდიაში გაემგზავრებიან და "ოლ ბლექსის" წინააღმდეგ მინდორზე ოთხ და 11 ივლისს გამოვლენ.

აქვე შეგახსენებთ, რომ ექვსი ერის გათამაშება, სადაც უელსის ნაკრებიც მონაწილეობს, სწორედ კორონავირუსის გამო შეჩერებულია. პანდემიისგან გამოწვეული პრობლემების გამო, უეინ პივაკი ხელფასის შემცირებასაც დათანხმდა.

COVID-19–ით უკვე მსოფლიოში 2,274,800 ადამიანი დაინფიცირდა. მათგან 156,140 პაციენტი გარდაიცვალა. ყველაზე მეტი შემთხვევა აშშ–ში გამოვლინდა. გაერთიანებულ სამეფოში ვირუსის 115,299 დადასტურებული შემთხვევაა. აქედან 15,497 ფატალურად დასრულდა.

ასევე იხილეთ: იტალიელი მორაგბე, რომელიც სამედიცინო დახმარების მძღოლი გახდა

უელსის ნაკრების მორაგბეებმა კორონავირუსი დაამარცხეს

ასევე იხილეთ

უახლესი ამბები