პრემიერშიპის დაბრუნება გადაიდო
ტურნირი ივლისში ვერ განახლდება

ყველასთვის ცნობილია, რომ ინგლისის რაგბის კავშირის გადაწყვეტილებით, ქვეყანაში 2019–20 წლების სარაგბო სეზონი გაუქმებულად გამოცხადდა, თუმცა აღნიშნული არ ეხება მხოლოდ პრემიერშიპს.

ივარაუდებოდა, რომ ტურნირი ივლისში განახლდებოდა. სავარაუდო თარიღად სამი რიცხვი დასახელდა. მატჩები კი შუა კვირაშიც გაიმართებოდა. პირველი შეხვედრის გამართვამდე, გუნდებს ერთ თვიანი ვარჯიშები უნდა გაევლოთ, თუმცა ახლა ირკვევა, რომ პრემიერშიპი ივლისში ვერ დაბრუნდება.

Premiership unlikely to resume in early July after clubs delay return to training https://t.co/Bb2zay2eOD
— Guardian news (@guardiannews) May 21, 2020

მიმდინარე სეზონის აგვისტოში დასრულება უკვე საეჭვოა. ამჟამად ფიქრობენ, რომ ტურნირი ოქტომბრამდე გაგრძელდება. მიუხედავად იმისა, რომ ქვეყანაში კორონავირუსით ინფიცირებისა და გარდაცვალების შემთხვევებმა იკლო, ორგანიზატორები მაინც ფიქრობენ, რომ რაგბის თამაში ამ ეტაპზე უსაფრთხო მაინც არ არის.

"ჩვენ ჩავატარეთ შეხვედრა საბჭოსთან და ინგლისის სარაგბო საზოგადოების წარმომადგენლებთან ერთად. ყველანი ვთანხმდებით, რომ დიდი სამუშაო გავწიეთ, რათა პრემიერშიპის კლუბებს ვარჯიშები დაეწყოთ, თუმცა ჩვენთვის ყველაზე მნიშვნელოვანი მაინც უსაფრთხოებაა და ამ ეტაპზე კვლავ მივიჩნევთ, რომ აჩქარება არ შეიძლება.

არ არის გამორიცხული, რომ პროცესი მომდევნო ორი კვირის განმავლობაში გაჭიანურდეს. ჩვენ ველოდებით სეზონის განახლებას, მაგრამ ეს მაშინ მოხდება, როცა ყველაზე უსაფრთხო პერიოდი დადგება. ამჟამად მეტს ვერაფეს გეტყვით. დამატებითი ინფორმაცია მოგვიანებით გავრცელდება", – აცხადებს პროფესიონალური თამაშის საბჭოს დირექტორი კრის ბოი.

ასევე იხილეთ: VIDEO | პრემიერშიპის მე–13 ტურის ტოპ ხუთი ლელო

პრემიერშიპის დაბრუნება კვლავ გადაიდო

ასევე იხილეთ

უახლესი ამბები