ძალთა ბალანსი
10/30/2018 15:04
0

Croco.ge გთავაზობთ ტრადიციულ რუბრიკას, რომლის ფარგლებშიც ჩვენ  ევროპულ ფეხბურთში არსებულ ძალთა ბალანსს განვიხილავთ. რუბრიკას ყოველკვირეული სახე ექნება. გუნდების რეიტინგები წარმოდგენელი იქნება მათ მიერ ნაჩვენები შედეგების შესაბამისად. ჩვენი გუნდის მიერ შემუშავებული სპეციალური ფორმულის მიხედვით, თითოეულ გუნდს შესაბამისი რიცხვითი კოეფიციენტი მიენიჭება, რომელიც მის ახლანდელ მდგომარეობას განსაზღვრავს. კოეფიციენტები ეყრდნობა როგორც საშინაო, ასევე საერთაშორისო ასპარეზზე ნაჩვენებ შედეგებს. რუბრიკა ყოველ ორშაბათს განახლდება. 

ევროპულ ფეხბურთში არსებულ ძალთა ბალანსში ბევრი რამ შეიცვალა და ეს ჩვენი რეიტინგის მდგომარეობაზეც აისახა. ტურინის იუვენტუსის სახით ცრილს  ახალი ლიდერი ჰყავს. მასიმილიანო ალეგრის გუნდმა, იტალიის ძალიან სიმპატიურ ჩემპიონატს მთავარი ინტრიგა უკვე დაუკარგა და ამით საქმე სხვა გუნდებსაც გაუმარტივა. სერია ა-ს დანარჩენი ბინადრები საერთაშორისო ასპარეზს უფრო მეტ ყურადღებას დაუთმობენ, რადგან „ბებერ ქალბატონისთვის“ რეალური კონკურენციის გაწევა არცერთ მათგანს შეუძლია. ტურინელები ჩემპიონთა ლიგაზეც ძალიან დამაჯერებლად ასპარეზობენ და თუ ბოლო ტურში, გასვლაზე იანგ ბოიზსაც დაამარცხებენ, ჯგუფის გამარჯვებულები გახდებიან. ამ შედეგების და  თამაშის ნაჩვენები ხარისხის გათვალისწინებით, იუვენტუსი რეიტინგს ძალიან დამსახურებულად ლიდერობს.

მანჩესტერ სიტიმ პირველობა დაკარგა და მხოლოდ მეორე ადგილს იკავებს. მათი ვარდნა დიდწილად, პრემიერლიგის ბოლო ტურში დაფიქსირებულმა შედეგმა განაპირობა. ჩესლისთან შეხვედრაში კიდევ ერთხელ გამოჩნდა, რომ პეპ გუარდიოლას იდეალური გუნდი ჯერ არ ჰყავს და სწორი მიდგომით მათი დამარცხებაც შეიძლება. ამასთან ერთად, „ქალაქელებმა“ ჩემპიონთა ლიგაზეც ვერ იმარჯვეს, ლიონთან ორი მატჩის ჯამში მხოლოდ 1 ქულა აიღეს და მეორე შეხვედრაში მარცხს სასწაულებრივად გადაურჩნენ. მიუხედავად ამისა, სიტი ჯგუფის ლიდერია და პლეი-ოფის საგზურის მოპოვებას, დიდი ალბათობით,  პირველი ადგილით მოახერხებს.

ბარსელონამ სამეულში შეღწევა პირველად მოახერხა. ლეო მესის დაბრუნებასა და გუნდის ათამაშებაში კანონზომიერების შემჩნევა მარტივად შეიძლება. კატალონიელები ლა ლიგაში პირველ ადგილს იკავებენ, ბოლო ორი შეხვედრა გოლის გაუშვებლად მოიგეს და ძალიან აკრგად გამოიყურებიან. ვალვერდემ მოახერხა და შემადგენლობის სწორი როტაციით და მოქნილი ტაქტიკით გუნდს მრავალფეროვნება შეჰმატა.  „ბლაუგრანა“ ევროპის ყველაზე პრესტიჟულ საკლუბო ტურნირზერც დომინირებს, ქვე-ჯგუფში უკვე პირველი ადგილი გაინაღდა და ზამთრის პაუზას მომავალი მოწონააღმდეგეებისთვის მოსამზადებლად გამოიყენებს.

იურგენ კლოპის ლივერპული ძალიან არაერთგვაროვან სეზონს ატარებს. არ არის გამორიცხული, წინა სეზონის ფინალისტმა, ჩემპიონთა ლიგის ჯგუფიდან გასვლა ვერ მოახერხოს. ყველაფერს ბოლო ტური გადაწყვეტს, „სიკვდილის ჯგუფში“ გარაჩენის შანსებს ყველა გუნდი ინარჩუნებს  არ არის გამორიცხული, მომდევნო რეიტინგის შედგენისას „წითლების“ მდგომარეობა მნიშვნელოვნად იყოს შეცვლილი.

პსჟ-ისთვის ლიგა 1-ში გამარჯვება რუტინულ საქმედ გადაიქცა. დიდი ხნის წინ გაირკვა, რომ პარიზელები შემადგენლობით, ამბიციით და რესურსით ფრანგულ კლუბებს ყოველმხრივ აღემატებიან და მხოლოდ იქ გამარჯვებით აღარ დაკმაყოფილდებიან. ხელმძღვანელობა მკაფიო აქცენტს ჩემპიონტა ლიგაზე აკეთებს, სადაც გუნდს ბოლო ტურში, ცრვენა ზვეზდასთან გამარჯვება სჭირდება. ყველა სხვა შემთხვევაში, სეზონი წარუმატებლად ჩაითვლება და ტომას ტუხელის პარიზული კარიერაც ზამთარშივე დასრულდება,

მაურიციო სარი ლონდონში სასწაულებს სჩადის. იტალიელმა სპეციალისტმა „არისტოკრატების“ სათამაშო ფილოსოფია მოკლე დროში გარდაქმნა და სანახაობრივ მხარესთან ერთად, შედეგებიც დამაკმაყოფილებელი აქვს. ბოლო ტურში, მანჩესტერ სიტის დამარცხება სეზონის მთავარი წარმატება იყო. თუ იტალიელ სპეციალისტს დავუჯერებთ, ისინი ამაზე გაჩერებას არ აპირებენ და უყურადღებოდ არც ევროპის ლიგას დატოვებენ. რანგით მეორე ევროპულ ტურნირზე გუნდმა ყველა თამაშის მოგება მოახერხა და ზამთრის შესვენებას კარგ ხასიათზე შეხვდა.

რაც შეეხებათ დორტმუნდსა და აიაქსს, ეს ახალგაზრდა გუნდები არიან, რომელმაც თითქმის სეზონის ნახევარი სტაბილურად განვლეს, თუმცა რამდენ ხანს გასტანს მათი კარგად თამაში, არავინ იცის. 

იგივეს თქმა შეიძლება არსენალზეც, მეთოფეებმა ბრწყინვალე შეხვედრა ჩაატარეს ტოტენჰემის წინააღმდეგ და 1:2-დან მატჩში "ქამ ბექი" შეასრულეს (4:2). შემდეგ ტურში, ის ფრთაშესხმული არსენალი სადღაც დაიკარგა და მანჩესტერთან, თამაშის მიმდინარეობის მიხედვით, ლოგიკური ფრე ითამაშეს. 

ნაპოლის პირველი წრის გამოცდა ენფილდზე ელოდება, სადაც ჩემპიონთა ჩემპიონთა ლიგის შემდეგ ეტაპზე გასასვლელად ლივერპულთან ფრეც ჰყოფნის...

 

 

ტოპ ამოვარდნა
აიაქსი
+8
ტოპ ჩავარდნა
ინტერი
-8
პოზიცია
გუნდი
აღწერილობა
ცვლილება
1
სერია ა: 14-1-0. ჩემპიონთა ლიგა: 4-0-1.
1
2
პრემიერ ლიგა: 13-2-1. ჩემპიონთა ლიგა: 3-1-1.
-1
3
ლა ლიგა: 9-4-2. ჩემპიონთა ლიგა: 4-1-0.
2
4
პრემიერლიგა: 13-3-0. ჩემპიონთა ლიგა: 2-0-3.
0
5
ლიგა 1: 14-2-0. ჩემპიონთა ლიგა: 2-2-1.
1
6
პრემიერლიგა: 10-4-2. ევროპის ლიგა: 5-0-0.
-3
7
ბუნდესლიგა: 11-3-0. ჩემპიონთა ლიგა: 3-1-1.
1
8
ერედივიზიონი: 13-1-1. ჩემპიონთა ლიგა: 3-2-0.
8
9
პრემიერლიგა: 10-4-2. ევროპის ლიგა: 4-1-0.
0
10
სერია ა: 11-2-2. ჩემპიონთა ლიგა: 2-3-0.
0
11
ლა ლიგა: 7-7-1. ჩემპიონთა ლიგა: 4-0-1.
-4
12
ბუნდესლიგა: 8-3-3. ჩემპიონთა ლიგა: 4-1-0.
3
13
ლა ლიგა: 8-2-5. ჩემპიონთა ლიგა: 4-0-1.
1
14
ლა ლიგა: 8-4-3. ჩემპიონთა ლიგა: 3-0-2.
-2
15
პრემიერ ლიგა: 12-0-4. ჩემპიონთა ლიგა: 2-1-2.
-2
16
პრემიერ ლიგა: 7-5-4. ჩემპიონთა ლიგა: 3-1-1.
2
17
ლიგა 1: 8-4-4. ჩემპიონთა ლიგა: 1-4-0.
2
18
სერია ა: 7-5-3. ევროპის ლიგა: 3-1-1.
2
19
სერია ა: 9-2-4. ჩემპიონთა ლიგა: 2-1-2.
-8
20
სერია ა: 5-6-4. ჩემპიონთა ლიგა: 3-0-2.
-3