კალათბურთი / /
სავარაუდო შეთქმულების თეორია ლებრონის წინააღმდეგ
08/31/2019 23:33
144

2013-14 წლების NBA-ის ფინალები, სადაც სან ანტონიო სპურსი და მაიამი ჰიტი დრამატულად დაუპირისპირდნენ ერთმანეთს. ეს იყო საოცარი ფინალური სერიები, სადაც, მართლაც, დიდებული კალათბურთი აჩვენეს, თუმცა, ამ ისტორიას არაერთი "მაგრამ" ახლავს თან.

პირველ მატჩში, დარჩენილია 3.59 წუთი ბოლო მეოთხედის დასრულებამდე, ანგარიში 84-82 სპურსის სასარგებლოდ. ამ მომენტისთვის, ლებრონს 25 ქულა აქვს, ხოლო კავაი ლეონარდს - მხოლოდ, 3. შესვლის შემდეგ ლებრონ ჯეიმსი შეცვლას ითხოვს და თამაშში აღარ ბრუნდება, როგორც შემდეგ ირკვევა, ტრავმა აღმოაჩნდა, კერძოდ, ფეხის კუნთების დაჭიმულობა, კრუნჩხვა, რომლის მიზეზიც არის გადაღლა, ან გამოფიტვა. სან ანტონიო ლებრონის გასვლის შემდეგ უდიდეს უპირატესობას იღებს და, უკვე, ძალიან მარტივად იგებს პირველ მატჩს. საბოლოოდ კი, სერიასაც და ეს ჩემპიონობას ნიშნავს.

როგორც აღმოჩნდა, სპურსის არენაზე, თამაშის კონკრეტულ მომენტში, კონდიცირების სისტემას ხარვეზი გაუჩნდა. პირდაპირ ვთქვათ, შეიძლება, სუპერფინალის შეხვედრების დროს ასეთ მნიშვნელოვან კომპონენტს ვინმე შეუმოწმებელი ტოვებდეს?

ლებრონი, მატჩის განმავლობაში, გუნდელებთან ხშირად ამახვილებდა ყურადღებას, რომ არენაზე უსაშველოდ ცხელოდა.

მოგვიანებით, ჰიტის ერთ-ერთმა ცნობილმა გულშემატკივარმა,  DJ KHALED-მა, განაცხადა, რომ დაზუსტებით იცოდა, სპურსის ბანაკის წარმომადგენლებმა კონდიცირების სისტემა განზრახ გამორთეს. როცა ჰკითხეს, ვინ იყო ინფორმატორი, მან უპასუხა: "ქუჩა".

ფაქტს, რომ მართლაც ძალიან ცხელოდა დარბაზში, ამტკიცებს არენაზე მყოფი მაყურებლების ქმედება, როცა, თამაშის მომენტში, ისინი პლაკატებს ინიავებდნენ, რომელთაც თამაშის წინ ურიგებენ ხოლმე მათ. ასევე, გაჟონა ინფორმაციამ, რომ სან ანტონიოს მოთამაშეები, სპეციალურად, მაღალ ტემპერატურაზე ატარებდნენ ვარჯიშებს და ემზადებოდნენ ამ სერიისთვის. ამას ამტკიცებს ჯურნალისტის კომენტარები და შეფასებები, რომლებიც ვარჯიშების შემდეგ შედიოდნენ ინტერვიუებისათვის.

ეს არ არის დაზუსტებით ნათქვამი მსჯელობა, ბუნებრივის, მაგრამ, რომ დავფიქრდეთ, NBA-ის არენაზე, ფლეი-ოფის დროს, ცოტა არ იყოს, უჩვეულოა, როცა ფუჭდება კონდიცირების სისტემა, მაშინ როცა დარბაზი მკაცრად უნდა იყოს მზად თამაშისთვის.