სხვა / ძიუდო /
იაპონია მსოფლიო ჩემპიონია!
09/01/2019 18:01
162

იაპონიის დედაქალაქ ტოკიოში ძიუდოს მსოფლიო ჩემპიონატის ინდივიდუალური შეჯიბრის დასრულების შემდგომ, საუკეთესო გუნდურ ტურნირში გამოავლინეს.

ძიუდოს შერეულ გუნდურ შეჯიბრში მონაწილეობას თერთმეტი გუნდი იღებდა. საუკეთესო ოთხმა კი მედლები დაისაკუთრეს.

გუნდურ შეჯიბრში მსოფლიო ჩემპიონი კვლავაც იაპონიის ნაკრები გახდა, რომელმაც ფინალურ დაპირისპირებაში საფრანგეთს მოუგო. თავად ფრანგები კი ვერცხლის მედალს დასჯერდნენ. ბრინჯაოს მედლების შეხვედრაში რუსეთმა აზერბაიჯანს მოუგო, ხოლო ბრაზილიამ მონღოლეთს სძლია.

შეგახსენებთ, რომ შერეულ გუნდურ შეჯიბრში მონაწილეობას საქართველოს ნაკრები არ იღებდა. ინდივიდუალურ ტურნირზე კი ჩვენმა ნაკრებმა ორი მედლის, ერთი ოქროსა (ლუხუმ ჩხვიმიანი) და ერთი ბრინჯაოს მედლის (ლუკა მაისურაძე) მოპოვება შეძლო. არაოფიციალურ გუნდურ ჩათვლაში, მამაკაცთა შორის კი ჩვენი გუნდი იაპონიისა და ჰოლანდიის შემდგომ, მესამე ადგილზე გავიდა.