ფეხბურთი / ქართული ფეხბურთი /
მამუკა ჯუღელი: "დავითაშვილს გერმანიაში იწვევდნენ, თუმცა მე რუსეთი ვურჩიე"
09/05/2019 16:53
129

ქართველი ფეხბურთელების აგენტმა, მამუკა ჯუღელმა sport.business-gazeta.ru-სვის მიცემულ ინტერვიუში, ხვიჩა კვარაცხელიას და ზურიკო დავითაშვილის შესახებ ისაუბრა. 

მამუკა ჯუღელი: "კვარაცხელია და დავითაშვილი ყოველთვის გამორჩეული მოთამაშეები იყვნენ. 15 წლის ასაკში უკვე დინამოს მთავარი გუნდის შემადგენლობაში გამოჩნდნენ, შემდეგ კი ასაკობრივ ნაკრებებში ბრწყინავდნენ, რამაც მათ მიმართ ინტერესი გამოიწვია. 

- არ ფიქრობთ, რომ რუსეთის ჩემპონატიდან მათ დიდ ევროპულ გუნდებში გაუჭირდებათ გადასვლა? 

- რუსეთის ჩემპიონატს ევროპაში თვალყურს ადევნებენ. მაგალითად, ვიდიჩი და ივანოვიჩი ინგლისის პრემიერ ლიგაში სწორედ რუსეთიდან გადავიდნენ. რუბინი ძლიერი და ისტორიული კლუბია, რომელსაც ევროპაში იცნობენ. 

- რატომ არ დარჩა კვარაცხელია ლოკომოტივში?

- მათ დაკვირევების გაგრძელება უნდოდათ, ჩვენ კი ერთი წლის გაცდენა არ გვინდოდა. ტრავმა რომ მიეღო, მერე ვინ მიხედავდა? ამიტომ, ხვიჩას ოჯახთან ერთად კარიერის რუბინში გაგრძელება გადავწყვიტეთ. ლოკომოტივის აზრით, კვარაცხელიას არ დაუმტკიცებია, რომ ხანგრძლივი კონტრაქტის ღირსია. იური სიომინი კი ყვიროდა, რომ ხვიჩა ნამდვილი ვარსკვლავია. იყო წინადადებები ევროპული კლუბებიდანაც. მაგალითად, დინამოსთან შეხვედრას ლონდონის არსენალის წარმომადგენლები დაესწრნენ. ხვიჩას მიმართ ინტერესი დიდია. 

- დავითაშილით რომელი კლუბები ინტერესდებოდნენ? 

ბელგიური გენტი და გერმანული კლუბები. მას ვუთხარი: "არ წახვიდე გერმანიაში, თუ ჩემთან ერთად ყოფნა გინდა, რუსეთში წადი". ძალიან მომწონს რუსული ფეხბურთი. ახლა რუსთავში მყავს ერთი საინტერესო ფეხბურთელი, თორნიკე კაპანაძე. 18 წლისაა და ვფიქრობ, რომ ახალი წლის შემდეგ მას რუსეთში იხილავთ.