სხვა / სუმო /
აკი ბაშომდე | ქართველები მძიმე სიტუაციაში...
09/06/2019 1:31
320

8 სექტემბერს, იაპონიის დედაქალაქ ტოკიოში სუმოს წლის მეხუთე დიდი ტურნირი - აკი ბაშო აიღებს სტარტს, სადაც ქართველი რიკიშები: ტოჩინოშინი და გაგამარუ მიიღებენ მონაწილეობას.

ჩვენებურებს მომავალ ბაშოზე საკმაოდ რთული ბარიერის გადალახვა მოუწევთ. მოგეხსენებათ, ნაგოია ბაშოს დაწყებამდე რამდენიმე დღით ადრე, ტოჩინოშინმა მხრის ტრავმა მიიღო, რაც ბრძოლებისას ხელს ძალიან უშლიდა. სწორედ, ამის გამო მან პირველი ხუთი ბრძოლის წაგების შემდეგ, კიუჯო გამოაცხადა და ნაგოია ბაშოს ჩაეხსნა.

შესაბამისად მაკე-კოში (უარყოფითი ბალანსი) დაუფიქსირდა და აკი ბაშოზე კადობანში იქნება, ანუ კვლავ ოძეკის ტიტულის შენარჩუნებისთვის მოუწევს ბრძოლა, რისთვისაც მას მინიმუმ რვა ბრძოლის მოგებს ჭირდება.

ტოჩინოშინის გარდა,ასევე რთულ ვითარებაშია ტაკაკეიშო. 22 წლის იაპონელ რიკიშს სერიოზული ტრავმის გამო, ორი ბაშოს გამოტოვება მოუწია, რის გამოც ოძეკის ტიტული დაკარგა და სექტემბრის ბაშოზე ე.წ. ოძეკივაკეს რანგში წარსდგება, ანუ მას მინიმუმ ათი ბრძოლის მოგება მართაბს, რათა კვლავ ოძეკი გახდეს.

აკი ბაშოზე იასპარეზებს ორივე მონღოლი იოკოძუნა, სამივე ოძეკი, ორივე სეკივაკე და ორივე კომუსუბი ანუ სანიაკუ სრული შემადგენლობით, რაც ნიშნავს იმას, რომ წინ ძალიან საინტერესო ორთაბრძოლები გველის.

აკი ბაშო 8 სექტემბერს დაიწყება და 23 სექტემბერს დასრულდება.