ფეხბურთი / ლა ლიგა /
მესის ბარსელონასთან კონტრაქტის გაწყვეტა მომდევნო ზაფხულს შეუძლია
09/06/2019 11:32
125

კატალონიის ბარსელონას კაპიტან ლიონელ მესის კლუბთან მოქმედი კონტრაქტი 2021 წლამდე აკავშირებს და მის გახანგრძლივებას არ ჩქარობს. El Pais-ის ცნობით, ამას თავისი სერიოზული მიზეზი აქვს.

საქმე ისაა, რომ 2017 წელს გაფორმებულ ხელშეკრულებაში, ჩადებულია პუნქტი, რომლის ძალითაც 32 წლის არგენტინელს "ბლაუგრანასთან" კონტრაქტის გაწყვეტა ყოველი წლის 30 ივნისს შეუძლია.

ამგვარად, მესის ამ ზაფხულსვე ექნება საშუალება, რომ კატალონიურ კლუბს კონტრაქტი გაუწყვიტოს.

აღსანიშნავია, რომ ასეთივე კონტრაქტები ჰქონდათ ბარსელონას სხვა ლეგენდებს - კარლეს პუიოლს, ხავი ერნანდესსა და ანდრეს ინიესტას.