ფეხბურთი / ქართული ფეხბურთი /
ზურიკო დავითაშვილი: "მადლობა მწვრთნელს შანსისთვის"
09/06/2019 11:54
119

სამხრეთ კორეასთან ფრედ დასრულებული მატჩის შემდეგ, საქართველოს ეროვნული ნაკრების დებიუტანტმა ზურიკო დავითაშვილმა მედიისთვის კომენტარი გააკეთა.

“კარგი თამაში ვაჩვენეთ, ბევრი მომენტი შევქმენით, მოგება შეგვეძლო და სამწუხაროა, რომ შეხვედრა ფრედ დასრულდა. შექმნილი მომენტების გამოყენების შემთხვევაში ვფიქრობ, რომ მატჩს სასურველი შედეგით დავასრულებდით.

რაც შეეხება ჩემს დებიუტს, რა თქმა უნდა, მოხარული ვარ და მადლობას ვუხდი მთავარ მწვრთნელს შანსისთვის. ვაგრძელებთ მზადებას დანიის წინააღმდეგ გასამართი შეხვედრისთვის და სამი ქულისთვის ვიბრძოლებთ", - განაცხადა ყაზანის რუბინის ნახევარმცველმა.

შეგახსენებთ, რომ საქართველოს ნაკრები ევროშესარჩევის მატჩს დანიასთან 8 სექტემბერს, "დინამო არენაზე" ჩაატარებს.

gff.ge