ქართული სპორტი / ქართული რაგბი /
გრეგორ თაუნსენდი: "ქართველებმა ახლა უფრო მეტი იციან ჩვენ შესახებ"
09/06/2019 13:09
82

საქართველოს ნაკრებთან საპასუხო მატჩის წინ, შოტლანდიის მორაგბეთა ნაკრების მთავარმა მწვრთნელმა, გრეგორ თაუნსენდმა სასტარტო შემადგენლობაში 12 მოთამაშე შეცვალა.

ტრავმების შემდეგ სქოთებს უბრუნდებიან ტომი სეიმური, ბლეიდ ტომსონი და ჯონი გრეი. შემადგენლობაზე საუბრისას თაუნსენდმა მომავალი შეხვედრის მნიშვნელობაზეც ისაუბრა.

გრეგორ თაუნსენდი: „ივნისის შუა რიცხვებიდან ერთად ვართ და ახლა გვაქვს შანსი, საკუთარი გულშემატკივრის წინაშე წლის უკანასკნელი მატჩი ჩავატაროთ. კარგად გვესმის, რომ ერთი კვირის წინანდელი შეხვედრის შემდეგ, საქართველოს ნაკრების თამაშის ხარისხი მნიშვნელოვნად იქნება გაუმჯობესებული. მათ ახლა უფრო მეტი იციან ჩვენ შესახებ და შოტლანდიის ნაკრების მორაგბეებისთვის ეს მნიშვნელოვანი გამოცდა იქნება. ჩვენ უნდა გავაუმჯობესოთ საკუთარი თამაში, რათა სასურველ შედეგს მივაღწიოთ. გუნდი შესანიშნავ ფიზიკურ ფორმაშია და პარასკევის მატჩი კიდევ ერთი ნაბიჯით დაგვაახლოვებს საუკეთესო თამაშთან“.

შეგახსენებთ, რომ შოტლანდიის და საქართველოს სარაგბო დაპირისპირება დღეს, ედინბრუგში, თბილისის დროით 22:30-ზე დაიწყება.