სხვა / სუმო /
აკი ბაშოს პირველ და მეორე დღეს ტოჩინოშინის მეტოქეები გაირკვა
09/06/2019 13:29
235

კვირას, 8 სექტემბერს, სტარტს აიღებს წლის რიგით მეხუთე აკი ბაშო, რომელიც იაპონიაში ყველაზე პრესტიჟულად ითვლება და მას დედაქალაქი ტოკიო მასპიძლობს.

აღსანიშნავია, რომ ქართველ ოძეკის ტოჩინოშინს თავისი ტიტული აქვს დასაცავი და ამისთვის აუცილებლად დადებით ბალანსი უნდა დააფიქსიროს.

როგორც ცნობილია, პირველ დღეს მისი მეტოქე მონღოლი გიგანტი იჩინოჯო იქნება, რომელთანაც ლევანისთვის ბრძოლა მოსახერხებელია და საკმაოდ კარგი დადებითი ბალანსიც აქვს (16-5).

მეორე დღეს კი ქართველის მეტოქე ასანოიამა იქნება, სწორედ მასთან შედგა ის სკანდალური დაპირისპირება, სადაც ლევანს წაგება ჩაუთვალეს, იაპონელი კი ბაშოს გამარჯვებული გახდა.

აკი ბაშოს რიოგუკუ კოკუგიკანის დარბაზი უმასპინძლებს და ის 8-დან 22 სექტემბრის ჩათვლით გაგრძელდება.