ფეხბურთი / ქართული ფეხბურთი /
ვლადიმირ ვაისი: "ხარაიშვილს დიდი მომავალი აქვს"
09/07/2019 15:46
545

საქართველოს ეროვნული ნაკრების მთავარმა მწვრთნელმა, ვლადიმირ ვაისმა დანიასთან შეხვედრამდე ჟურნალისტების კითხვებს უპასუხა. 

ვლადიმირ ვაისი: "თამაშისთვის მზადება სტამბოლში დავიწყეთ. სამხრეთ კორეასთან კარგი ამხანაგური მატჩი ჩავატარეთ. გუნდს ბევრი მნიშვენლოვანი ფეხბურთელი დაუბრუნდა და შედეგით კმაყოფილი ვარ. დანიასთან მატჩისთვის კარგი მოსამზადებელი შეხვედრა გამოგვივიდა. 

ხოჭოლავასთან და კვერკველიასთან ერთად, ტრავმირებულთა რიგებს ლაშა დვალი და ზურიკო დავითაშვილი შეუერთდნენ. დავითაშვილს მინიმუმ 2-3 კვირა გაუცდება, რაც ძალიან სამწუხაროა. ის ძალიან კარგად გამოიყურებოდა სადებიუტო შეხვედრაში. გვაქვს ინფომრაცია, რომ გიორგი ჩაკვეტაძის რეაბილიტაცია კარგად მიდის. პირველი თვე რთული ჰქონდა, თუმცა ახლა კარგად არის და იმედი მაქვს, რომ ეროვნულ გუნდს მალე დაეხმარება. ის ერთ-ერთი საუკეთესო ქართველი ფეხბურთელია. 

გიორგი ხარაიშვილის არგამოძახების მიზეზი ის არის, რომ ამ შეკრებაზე ყაზაიშვილი, ოქრიაშვილი, პაპუნაშვილი, ანანიძე, ლობჟანიძე და ქვილითაია გამოვიძახე. ხვალინდელი რთული შეხვედრისთვის აქცენტი გამოცდილ ფეხბურთელებზე გავაკეთე. ხარაიშვილი ძალიან კარგი მოთამაშეა და მას დიდი მომავალი აქვს. იგივე მდგომარეობაა ზარანდიასთან და არაბიძესთან დაკავშირებით. მოედანზე 20 ფეხბურთელი ვერ გავა და ამ ეტაპზე ასე ჩავთვალე საჭიროდ. შესაძლოა, სხვა მწვრთნელმა არ გამოიძახოს ნაკრებში ახლა მყოფი ფეხურთელები და აქცენტი სხვა მოთამაშეებზე გააკეთოს. 

კონკრეტულს ვერაფერს გეტყვით ყაზახურ მედიაში გავრცელებული ინფორმაციის თაობაზე. ჯერჯერობით მე საქართველოს ნაკრების მწვრთნელი ვარ და ხვალინდელი მატჩისთვის ვემზადები, თუმცა ვერ გეტყვი თუ რა იქნება მომავალში. 

სამხრეთ კორეასთან ბევრი მომენტი შევქმენით და ვერ გამოვიყენეთ, რაც სხვა შეხვედრებშიც ხშირად ხდება და ეს ჩვენი მთავარი პრობლემაა. ყაზაიშვილი ძალიან კარგი იყო, თუმცა საჯარიმოში უფრო აგრესიული უნდა ყოფილიყო, რადგან მისი საქმე გოლების გატანაა. კარგი მატჩი ჩაატარა კიტეიშვილმა, რომელმაც მისთვის ახალ პოზიციაზეა კარგი შთაბეჭდილება დატოვა. ტრავმების გამო 2-3 პოზიციაზე ცვლილების გაკეთება მომიწევს".

საქართველოს და დანიის ეროვნული ნაკრებების მატჩს დინამო არენა ხვალ, 8 სექტემბერს, 20:00-დან უმასპინძლებს.