კალათბურთი / NBA /
კალათბურთის მოვლენა, რომელიც მეტს იმსახურებდა
09/07/2019 17:26
132

NBA-ის 3 გზის ჩემპიონი, 12 გზის All-Star-ის მონაწილე, 2006 წლის ფინალების MVP, 2009 წლის საუკეთესო მექულე, ისტორიაში, პირველ და მეორე ნომრებს შორის, ყველაზე მეტი დაფარების მქონე უკანახაზელი, უბრალოდ, ისტორიაში ერთ-ერთ საუკეთესო, დუეინ ვეიდი.

შეიძლება ითქვას, ამ მოთამაშის მიმართ, ცოტა არ იყოს, უპატივცემლობაა არათუ გულშემატკივრებისგან არამედ -  მოთამაშეებისგანაც კი.

2006 წლის ფინალები, რომელიც ერთ-ერთი ყველაზე სკანდალური სერია გახლდათ. ყურადღების ცენტრში იყო ტიმ დონაგი, რომელიც ცნობილია ჩაწყობილი თამაშების გარშემო განვითარებული დრამებით. მან განაცხადა:

"ვფიქრობ, დალას მავერიკსს ძალით წაართვეს ჩემპიონობა. NBA-მა დაიწყო სერიაზე ზემოქმედების მოხდენა, რადგან "გაეწელათ" სერია. გარდა ამისა, იმ დროს, ედ რაში გახლდათ მსაჯების ზედამხვედელი, ის კი მარკ კუბანს ვერ იტანდა"

 

აღნიშნული ფაქტის ფონზე სათანადოდ ვერ დაფასდა ვეიდის პერფორმანსი, რადგან პუბლიკა განსაკუთრებულ ყურადღებას აქცევდა თამაშს, სადაც დუეინმა უფრო მეტი საჯარიმო ისროლა ვიდრე - მთლიანმა მავერიკსმა, მაგრამ ასეთი ფაქტი ყოველთვის ხდება, მსაჯები და NBA ყოველთვის იხრებიან გუნდის მხარეს, რომელიც აგებს სერიას, რათა სერია უფრო გრძელი იყოს და ლიგამ ეკონომიკური სარგებელი ნახოს. ანუ, მოთამაშე აკეთებდა საშუალოდ: 34.7 ქულას, 7.8 მოხსნას, 3.8 გადაცემას და 2.7 ჩაჭრას. რა ხდება ამის შემდეგ? - ტიმ დონაგი უფრო ახსოვს პუბლიკას, ვიდრე - დუეინ ვეიდი...

"მან მოიგო ბეჭდები იმიტომ, რომ ის თამაშობდა შაკილ ონილისა და ლებრონ ჯეიმსის გვერდით." - ეს განცხადება გააკეთა ლეგენდარულმა კრის ვებერმა და, სამწუხაროდ, გულშემატკივრებიც მარტივად აყვნენ ზედმეტად მარტივ ფრაზას. ფაქტი მართალია, მაგრამ მსგავსი არ შეგვიძლია, ვთქვათ მაიკლ ჯორდანზე, მეჯიქ ჯონსონზე, კობი ბრაიანტზე ან ლებრონ ჯეიმსზე? კარგი გუნდელის გარეშე ვინ იგებს NBA-ის ჩემპიონობას? ეს ხომ, უბრალოდ, არ დააკნინებთ მათ? მაგრამ, სამწუხაროდ, რატომღაც, პუბლიკამ ვეიდი დააკნინა ამით.

მოდით, შევაბრუნოთ ეს წინადადება და ვთქვათ, რომ დუეინის გარეშე ვერც ლებრონი მოიგებდა ტიტულს და,  მითუმეტეს, ვერც - ონილი. არ იქნება მართალი? აუცილებლად იქნება. 2006 წელს შაკი აღარ იყო შაკი, არაფერი აღარ ეტყობოდა მას ძველი დომინანტი ცენტრის. მესამე იყო ქულებში ხსენებულ ფინალში, ვეიდის (34.7 ქულა) და ანტუან ვოლკერის (13.8 ქულა) შემდეგ.

2011 წლის ფინალები. დირკ ნოვიცკი, როგორც ფინალების MVP,  აკეთებს, საშუალოდ, 26 ქულას, 9.7 მოხსნას, 2.0 გადაცემას, 0.7 დაფარებას და 0.7 ჩაჭრას. როგორი სტატიატიკა აქვს, ამ დროს, დუეინ ვეიდს? - 26.5 ქულა, 7.0 მოხსნა, 5.2 გადაცემა,  1.5 ჩაჭრა, 1.5 დაფარება. დაფიქრდით, სერია რომ მაიამი ჰიტს მოეგო, ვინ გახდებოდა ზემოხსენებული ჯილდოს მფლობელი?

შემდეგი სამი წელი, ჰიტი ლებრონ ჯეიმსის გუნდი გახდა, ვეიდმა კი მოუკლო, მაგრამ არ დაგვავიწყდეს მისი პრობლემები მუხლზე. ამ სირთულის ფონზე, ის მაინც იყო გუნდის სრულფასოვანი მეორე ოფცია, რომელიც ძალიან დიდ როლს თამაშობდა გუნდურ წარმატებაში. რა ხდება ამ პერიოდში? კარიერულად არც ისე კარგი მსროლელი, რომელიც, ძირითადად, ფარში შესვლებზე იყო ორიენტირებული, ინარჩუნებს სუპერვარსკვლავის სტატუსს იმ ფონზე, რომ, ფაქტობრივად, უბურთოდ მოძრაობს შეტევაში. შეუძლებელია, ამას ახერხებდე და არ იყო, უბრალოდ, გენიალური.

როცა საუბრობენ დუეინ უეიდზე, ისინი იხსნებენ ან 2006 წლის ფინალებს ან მის სეზონებს ლებრონ ჯეიმსთან ერთად, შუაში რა მოხდა, როგორც წესი, ნაკლებადაა განხილვის თემა, რადგან საუკეთესო ფორმაში მყოფ Flash-ს, ამ დროს, საშინელი გუნდი ჰყავდა. ამ პერიოდის მაიამი ჰიტის მეორე ოპციას ვინ წარმოადგენდა? - მაიკლ ბიზლი...

დუეინ ვეიდი, კალათბურთის მოვლენა, რომელიც მეტს იმსახურებდა.