ფეხბურთი / ლა ლიგა /
სუარესი და მესი ვალენსიასთვის მზად იქნებიან
09/07/2019 23:10
170

შემტევი ტრიოს, ლიონელ მესის, ლუის სუარესისა და უსმან დემბელეს ტრავმების შემდეგ, ბარსელონა პრაქტიკულად, მხოლოდ ანტუან გრიზმანის იმედზე იყო.

თუმცაკატალონიის დედაქალაქიდან ბარსას გულშემატკივრებისთვის სასიამოვნო ინფორმაცია გავრცელდა. როგორც ჩანს, მესისა და სუარესის რეაბილიტაცია წარმატებით მიმდინარეობს და ისინი სანაკრებო პაუზის შემდეგ, ლა ლიგის მეოთხე ტურში მონაწილეობას მიიღებენ.

ურუგვაელი ფორვარდი საერთო გუნდს 11 სექტემბრამდე დაუბრუნდება და ვალენსიასთანაც ითამაშებს. ხოლო ბარსელონას სამედიცინო შტაბი, გუნდის კაპიტნის რეაბილიტაციის პროცესით კმაყოფილები არიან და, შესაძლოა, კამპ ნოუზე ისიც დაბრუნდეს.

შეგახსენებთ, რომ ლიონელ მესიმ ტრავმა სეზონის დაწყებამდე მიიღო, მოგვიანებით კი მას დაზიანება გაურთულდა და სავარაუდო იყო, რომ იგი ერთ თვეს გამოტოვებდა. ლუის სუარესი კი ლა ლიგის პირველსავე ტურში, ბილბაოს ატლეტიკის წინააღმდეგ დაშავდა.