ქართული სპორტი / ქართული რაგბი /
შოტლანდიის რაგბის კავშირმა საქართველოს ბოდიში მოუხადა
09/08/2019 1:26
244

შოტლანდიის რაგბის კავშირმა, საქართველოსთან მატჩში ჩართული ძველი ჰიმნისთვის, ბოდიში მოიხადა.

საქართველოსა და შოტლანდიის მატჩში, "თავისუფლების" ნაცვლდ გაჟღერებულ ჰიმნს, საქართველოს სრულიფლებიანი ელჩი გაერთიანებულ სამეფოში, თამარ ბერუჩაშვილი გამოეხმაურა და აღნიშნა, რომ ქართველი ქომაგები მარიფილდზე "დიდება-ს" ჩართვამ გააკვირვა. ბერუჩაშვილმა, ტვიტერის ოფიციალურ გვერდზე განაცხადა, რომ საელჩო მზად არის, მარიფილდის სტადიონს, მომავლისთვის საქართველოს სახელმწიფო ჰიმნის ახალი ვერსია გადასცეს.

ბერუჩაშვილის პოსტს შოტლანდიის რაგბის კავშირიც გამოეხმაურა. განცხადებაში შოტლანდიელებმა განმარტეს, რომ მათ ქართულ მხარეს ბოდიში მაშვინე მოუხადეს.

"ეს უბრალოდ ორ კავშირს შორის არასწორი კომუნიკაციის ბრალი იყო. ჩვენ, ქართულ დელეგაციას,  მაშინვე ბოდიში მოვუხადეთ. ჩვენი სტუმრებისთვის პატივის მისაგებად კი, მატჩის შემდგომ შეკრებაზა გუნდსა და მათ პრეზიდენტს, საქართველოს ამჟამინდელი სახელმწიფო ჰიმნით შევხვდით.

ჩვენ საქართველოს რაგბის კავშირთან შესანიშნავი ურთიერთობა გვაქვს და ისინი მადლიერები იყვნენ, ჩვენი პატივის მისაგები ჟესტისთვის. ამავდროულად, აღნიშნეს, რომ ასე თავაზიანად არსად შეხვედრიან", - განაცხადა შოტლანდიის რაგბის კავშირის პრესსამსახური.

შეგახსენებთ, რომ საქართველოს ეროვნული ნაკრები, სტუმრად, მარიფილდის სტადიონზე შოტლანდიასთან ანგარიშით 9:36 დამარცხდა.