ჩოგბურთი / WTA /
19 წლის ანდრეესკუმ სერენას სძლია და კარიერაში პირველი გრანდ სლემი მოიგო
09/08/2019 2:06
230

19 წლის კანადელმა ბიანკა ბერნანდესკუმ ცოცხალ ლეგენდას, სერენა უილიამსს ამერიკის ღია პირველობის ფინალში სძლია და კარიერაში პირველი გრანდ სლემი მოიგო.

სერენასა და ბიანკას შორის მატჩი საათსა და ორმოც წუთს გაგრძელდა. საბოლოოდ კი ახალგაზრდა კანადელმა ჩოგბურთელმა ორ სეტში, ანგარიშით 6:3; 7:5 მოიგო და 2019 წლის ამერიკის ღია პირველობის ჩემპიონიც სწორედ ის გახდა.

აღსანიშნავია, რომ ამერიკელი ჩოგბურთელი მეორე სეტს 5:1-ს აგებდა, ანდრეესკუ კი ჩემპიონობაზე აწვდიდა, თუმცა სერენამ ზედიზედ ოთხი სეტის მოგება მოახერხა და თამაშში ცოტახნით, მაგრამ მაინც დარჩა.

გასულ სეზონში, US Open-ის ექვსგზის ჩემპიონმა, სერენა უილიამსმა ტურნირის ფინალში ნაომი ოსაკასთან წააგო, თუმცა მიმდინარე სეზონში ქულების დაცვა მოახერხა. ანდრეესკუმ კი 2000 სარეიტინგო ქულა გამოიმუშავა და მსოფლიო რეიტინგში საუკეთესო შედეგი დააფიქსირა. ამერიკის ღია პირველობის მოგების შემდეგ, ბიანკა მსოფლიოს მეხუთე ჩოგანია. აღსანიშნავია ისიც, რომ კანადელი ჩოგბურთელი ბრწყინვალე ფორმაშია და US Open-ის ფინალში მან ზედიზედ მეცამეტე მატჩი მოიგო.

ცნობისთვის, ხვალ, 8 სექტემბერს, ამერიკის ღია პირველობაზე მორიგი ფინალი, ამჯერად მამაკაცთა შორის გაიმართება. ფინალში ერთმანეთს თიხის საფარის მეფე, ესპანელი რაფაელ ნადალი და შესანიშნავ ფორმაში მყოფი რუსი ჩოგბურთელი, დანილ მედვედევი დაუპირისპირდებიან. ნადალსა და მედვედევს შორის მატჩი თბილისის დროით 23:59 საათზე დაიწყება.

#Flashscore