სხვა / სხვა /
ახალგაზრდა ქართველ მოციგურავეთა წარმატება გრან პრის მესამე ეტაპზე
09/08/2019 14:46
259

4-7 სექტემბერს ლატვიის დედაქალაქ რიგაში, იუნიორთა შორის გრან პრის მესამე ეტაპი ჩატარდა, სადაც მონაწილეობა გოგონების, ვაჟებისა და სპორტული ცეკვების კატეგორიებში, 13 დან 19 წლამდე ასაკის მოციგურავეებმა მიიღეს.

რიგაში სპორტულ ცეკვებში გრან პრის ფინალის საგზურის მოსაპოვებლად 17 ქვეყნის 19 სპორტულ მოცეკვავე წყვილი მონაწილეობდა, მათ შორის 2018 წლის გრან-პრის ფინალისტები ქართველი მოციგურავეები მარია კაზაკოვა და გიორგი რევია.

ქართველ მოციგურავეებს ასპარეზობა საკმაოდ სერიოზულ კონკურენტებთან უწევდათ, მათ შორის 2018 წლის იუნიორებს შორის მსოფლიო ჩემპიონატის ვერცხლის მედლის მფლობელ ელიზავეტა ხუდაიბერდიევას წყვილთან, რომელიც ამ სეზონზე თავის ახალ მეწყვილეს ანდრეი ფილატოვთან ერთად გამოდის.

რითმულ ცეკვებში რევიამ და კაზაკოვამ ჟიურისგან 63.25 ქულა დაიმსახურეს, რაც მეორე შედეგი იყო. თავისუფალ პროგრამაში კი ქართველმა მოციგურავეებმა ბრწყინვალედ იასპარეზეს, 102.01 ქულა მიიღეს და გამოსვლა პირველ ადგილზე დაასრულეს. თუმცა ორივე პროგრამის ჯამში, მარია კაზაკოვასა და გიორგი რევიას, რუსმა წყვილმა, ელიზავეტა ხუდაიბერდიევამ და ანდრეი ფილატოვმა მხოლოდ 0.33 ქულით აჯობა, ქართველთა დუეტმა კი ტურნირი 165.26 ქულით მეორე ადგილზე, ვერცხლის მედლებით დაასრულა.