ჩოგბურთი / WTA /
ოქსანა კალაშნიკოვა ნიუ ჰეივენის ტურნირის ჩემპიონია!
09/08/2019 14:48
139

ოქსანა კალაშნიკოვამ ნიუ ჰეივენის ჩელენჯერზე წყვილთა თანრიგის გათამაშება ტრიუმფით დაასრულა. ქართველმა ჩოგბურთელმა ანა ბლინკოვასთან ერთად ჩემპიონობა იზეიმა.

ფინალში მათი მეტოქე მაიტან არკონადა და ჯემი ლოები იყვნენ. შეხვედრა ისეთი დაძაბული იყო, როგორიც ფინალს შეშვენოდა და გამარჯვებული სუპერ ტაი-ბრეიქში გამოვლინდა.

ქართულ-რუსულმა დუეტმა შესანიშნავად დაიწყო და ზედიზედ ორი ბრეიქით სეტი 6:2 მოიგო. მათვე მეორე სეტიც ბრეიქით გახსნეს, თუმცა, დარჩენილ დროში ჩაწოდება ორჯერ დათმეს და ანგარიშიც გათანაბრდა – 6:4. სუპერ ტაი-ბრეიქში კი, ოქსანამ და ანამ შესანიშნავად დაიწყეს და 5:0 გალიდერდნენ, რომელი უპირატესობაც ხელიდან აღარ გაუშვიათ და 10:4 იმარჯვეს.

ოქსანა კალაშნიკოვასთვის წყვილთა თანრიგში ეს მერვე ტიტულია, ხოლო ჩელენჯერზე პირველად გაჩემპიონდა.