ფეხბურთი / ქართული ფეხბურთი /
ვლადიმირ ვაისი: "ეს ფრე ესპანეთთან მოპოვებულ გამარჯვებაზე მეტია ჩემთვის"
09/08/2019 22:43
322

დანიის ნაკრებთან ფრედ დასრულებული მატჩის შესახებ, საქართველოს ეროვნული გუნდის მთავარმა მწვრთნელმა, ვლადიმირ ვაისმა ისაუბრა. 

ვლადიმირ ვაისი: "საქართველოს ნაკრების მწვრთნელის რანგში საუკეთესო შედეგს მივაღწიე. ეს ფრე ესპანეთთან მოპოვებულ გამარჯვებაზე მეტია ჩემთვის. დაცვაში დამაჯერებლად ვითამაშეთ და 2-3 კარგი მომენტიც გვქონდა. დანიას მსოფლიოს საუკეთესო გუნდების ათეულშია ჩემთვის, ერიკსენი კი ერთ-ერთი საუკეთესო მოთამაშეა. ასეთ გუნდთან მოპოვებული ფრე ჩვენთვის დადებითი შედეგია. დიდი მადლობა გულშემატკივრებს სტადიონზე შექმნილი შესანიშნავი გარემოსთვის. 

ემოციური ადამიანი ვარ და დღეს ეს ემოცია ფეხბურთელებსაც გადაედოთ. მსაჯობაზე საუბარ არ მიყვარს, თუმცა, ჩემი აზრით, 11-მეტრიანი ჩვენს სასარგებლოდ დასანიშნი არ იყო. საინტერესოა, რომ 30 წელია რაც ფეხბურთელის კარიერა დავასრულე და მას შემდეგ ყვითელი ბარათი პირველად მივიღე. 

ტრავმირებული კვეკვესკირის და დისკვალიფიცირებული კანკავს გამო ნახევარდაცვაში ცვლილებები აუცილებელი იყო. ძალიან ბედნიერი ვარ კიტეიშვილის თამაშით. მან საუკეთესო მატჩი ჩაატარა ეროვნულ გუნდში მისთვის ახალ პოზიციაზე და თუ ასე გააგრძელა ავსტრიის ბუნდესლიგაზე უკეთეს ჩემპიონატში მოხვდება. კარგი იყო აბურჯანია, რომელსაც ახლა კარგი შანსი აქვს ჰოლანდიაში თავის დამკვიდრების. ის ტაქტიკურად ძალიან ძლიერი მოთამაშეა. 

გუნდი კარგად თამაშობდა და ცვლილებების აუცილებლობას ვერ ვხედავდი.  ბოლო 5 წუთში ორი ფეხბურთელი შევცვალე და ამიტომ კვარაცხელიას შემოყვანა გადავიფიქრე.

გასაგებია, რომ გულშემატკივრებს ყოველთვის მაქსიმუმი სურთ და მოგებას ელიან, თუმცა უნდა გავითვალისწინოთ მეტოქე გუნდის ფეხბურთელების ხარისხი და ის კლუბები, სადაც ისინი ასპარეზობენ. 

მატჩის წინ გვილიას ბოდიში მოვუხადე, რადგან ის სათადარიგოთა შორის დარჩა. ვაკომ მითხრა, რომ მართალი ვარ და ის საკუთარ შანსს დაელოდება. ის ნამდვილად მაღალი კლასის ფეხბურთელი და პროფესიონალია, თუმცა ამ შეხვედრისთვის ასე გადავწყვიტე, რადგან ტაქტიკურ მონახაზს ვადგენთ მოწინააღმდეგიდან გამომდინარე. მიმაჩნია, რომ კონკურენცია ჩვენთვის ძალიან კარგია".