ფეხბურთი / პრემიერლიგა /
იტალიური გრანდები იანვარში მატიჩის დამატებას შეეცდებიან
09/09/2019 12:06
150

სერბი ნახევარმცველი ნემანია მატიჩი, იანვარში დიდი ალბათობით მანჩესტერ იუნაიტედს დატოვებს.

როგორც Calciomercato წერს, 31 წლის ფეხბურთელის გადაბირება იტალიურ გრანდებს, ტურინის იუვენტუსსა და მილანის ინტერს სურთ. 

ამავე წყაროს ცნობით, სერია ა-ში თამაშზე თავად ფეხბურთელიც თანახმაა, მით უფრო რომ ინტერს სათავეში მისი ყოფილი მწვრთნელი, ანტონიო კონტე უდგას. შეგახსენებთ, რომ იტალიელი სპეციალისტი მატიჩს ჩელსიში მუშაობის დროს წვრთნიდა.

ნემანია მატიჩს მანჩესტერ იუნაიტედის მთავარი მწვრთნელი, ოლე გუნარ სოლსკიაერი არ სწყალობს და სათამაშო დროს თითქმის არ აძლევს. აღსანიშნავია, რომ ცოტა ხნის წინ სერბმა ფეხბურთელმა ერთ-ერთ ინტერვიუში ნორვეგიელი სპეციალისტი ღიად გააკრიტიკა.