ფეხბურთი / სერია ა /
სარი რონალდუს მიმართ მომთხოვნია
09/09/2019 16:56
330

მაურიციო სარი კრიშტიანუ რონალდუზე საკმაოდ დიდ იმედებს ამყარებს.

როგორც Tuttosport-ი წერს, იტალიელი სპეციალისტი მიმდინარე სეზონში მთავარ იარაღად სწორედ პორტუგალიელ სუპერვარსკვლავს მიიჩნევს. ამავე წყაროს ცნობით, ჩელსის ყოფილ დამრიგებელს სურს, რომ 34 წლის შემტევმა მხოლოდ სერია ა-ში, 40 გოლის გატანა მოახერხოს.

აღსანიშნავია, რომ სერია ა-ს ერთ სეზონში გატანილი ბურთების რეკორდული მაჩვენებელი 36 გოლია. ეს რეკორდი გონსალო იგუაინს ეკუთვნის, რომელიც მან 2015-16 წლების სეზონში ნაპოლის მაისურით დააფიქსირა.

კრიშტიანუ რონალდუ იუვენტუსში 2018 წლის ზაფხულში, მადრიდის რეალიდან 100 მილიონი ევროს სანაცვლოდ გადავიდა. გასულ სეზონში "ბებერი ქალბატონების" მაისურით სერია ა-ში ჩატარებულ 31 მატჩში, მან 21 გოლის გატანა მოახერხა.