ფეხბურთი / ლა ლიგა /
ბარსელონას სახელფასო ჭერი რეალისას 30 მილიონით აჭარბებს
09/09/2019 22:59
243

ლა ლიგამ ჩემპიონატში მონაწილე ოცივე კლუბის სახელფასო ჭერი გაასაჯაროვა. საერთო ჯამში ესპანური კლუბების სახეფასო ჭერი 2.94 მილიარდ ევროს შეადგენს.

გასაკვირი არ არის, რომ ესპანეთის ჩემპიონატში ყველაზე მაღალი სახელფასო ჭერი ტოპ სამ კლუბს, ბარსელონას, რეალსა და ატლეტიკოს აქვთ.

პირველ ადგილზე, ყველაზე მაღალი სახელფასო ჭერით, კატალონიის ბარსელონაა, რომლის ხარჯები 671.42 მილიონს უდრის. კატალონიელებს კი "სამეფო კლუბი" 30 მილიონით ჩამორჩებიან და 641.05 მილიონით მეორე ადგილს იკავებენ. მესამეადგილოსანი ატლეტიკოს სახელფასო ჭერი კი 348.5 მილიონ ევროს შეადგენს.

აღსანიშნავია, რომ გასულ წელთან შედარებით, სახელფასო ჭერმა თითქმის ორმოცი მილიონით მოიმატა, ხოლო რეალმა 75 მილიონი ევროთი გაზარდა. ლა ლიგის გუნდების ოცეულში ასმილიონიანი ზღვარი ტოპ სამეულის გარდა კიდევ მხოლოდ ხუთმა გუნდმა გადალახა. ყველაზე დაბალი შედეგი, 29.97 მილიონი ევრო კი ლა ლიგაში ახლადდაბრუნებულ მალიორკას აქვს.

სახელფასო ჭერს რამდენიმე ფაქტორი განსაზღვრავს. პირველ რიგში - შემოსავლები. რაც უფრო დიდია შემოსავალი, მით უფრო დიდია სახელფასო ჭერით. ასევე ფაქტზე მნიშვნელოვნად მოქმედებს ორგანიზაციის მიერ დაქვემდებარებული სპორტული გუნდების რაოდენობაც. მაგალითისთვის, ბარსელონას ფეხბურთის გარდა, ქალფეხბურთელთა, კალათბურთის, ბალახის ჰოკეის, ფუტსალის, ხელბურთისა და ა.შ. გუნდები ჰყავს.

1. ბარსელონა 671.42

2. მადრიდის რეალი 641.05

3. მადრიდის ატლეტიკო 348.5

4. სევილია 185.16

5. ვალენსია 170.67

6. ვილიარეალი 108.59

7. ბილბაოს ატლეტიკი 103.18

8. ბეტისი 100.35

9. სოსიედადი 81.14

10. ესპანიოლი 68.74

11. სელტა 62.12

12. ლევანტე 56.60

13. ხეტაფე 56.284

14. ლეგანესი 52.08

15. ალავესი 49.77

16. ეიბარი 47.12

17. ოსასუნა 38.69

18. გრანადა 35.46

19. ვალაიდოლიდი 32.03

20. მალიორკა 29.97