ქართული სპორტი / ქართული რაგბი /
ირლანდია მსოფლიო ჩემპიონატს პირველ ნომრად იწყებს
09/10/2019 0:12
216

9 სექტემბერს, მსოფლიო რაგბის ოფიციალურ ვებგვერდზე მსოფლიო რეიტინგის განახლებული ვერსია გამოქვეყნდა.

როგორც უკვე მოგახსენეთ, მსოფლიო რეიტინგში რამდენიმე ცვლილებაა.

რაც ყველაზე მნიშვნელოვანია, ბორჯღალოსნები, შოტლანდიასთან ორივე მატჩში მარცხის მიუხედავად, რეიტინგში კვლავაც მყარად, მეთორმეტე ადგილს ინარჩუნებენ.

ათეულში კი დიდი ცვლილებებია. ბოლო პერიოდში, პირველადგილოსნების ხშირ-ხშირი ცვლილებების შემდეგ, მსოფლიო თასის დაწყებამდე რამდენიმე დღით ადრე, მსოფლიო რეიტინგის ლიდერიც გამოირკვა.

უელსის აღზევებისა და ახალი ზელანდიის ადგილის დაბრუნების შემდეგ, საბოლოოდ გაირკვა, რომ მსოფლიო თასს რეიტინგში პირველი ნომრის სტატუსით ირლანდია დაიწყებს.

პირველ ათეულში კი უელსმა და სამხრეთ აფრიკამ ადგილები გაცვალეს. აფრიკელები მეოთხე ადგილზე დაწინაურდნენ, ხოლო ბრიტანელები მეხუთეზე ჩამოქვეითდნენ.

ასევე საინტერესოა ამერიკის შეერთებული შტატების დაწინაურებაც, რომელმაც 8 სექტემბერს, კანადა დაამარცხა და მსოფლიო რეიტინგში ექვსი ერის გუნდს, იტალიას გადაასწრო. განახლებულ რეიტინგში ამერიკელები მეცამეტე ადგილს იკავებენ, ხოლო იტალიელები მეთოთხმეტეზე ჩამოქვეითდნენ.

შეგახსენებთ, რომ რაგბის მსოფლიო თასი სტარტს 21 სექტემბერს აიღებს. მსოფლიო თასზე გასული 20 რჩეული გუნდი ოთხ ჯგუფში გადანაწილდა და ვებ ელისის თასისთვის 2 ნოემბრამდე იბრძოლებს. საქართველოს ეროვნულ ნაკრებს კი საკმაოდ რთულ, D ჯგუფში მოუწევს ბრძოლა. ბოჯღალოსნების მეტოქეები ჯგუფში ავსტრალიის, უელსის, ფიჯისა და ურუგვაის ნაკრები გუნდები იქნებიან.