დღეს მანჩესტერში საფეხბურთო ზეიმია, "იუნაიტედი" ტურინის "იუვენტუსს" უმასპინძლებს. ამ მატჩს დამატებით ინტრიგას ის სძენს, რომ ინგლისელთა კარს კრიშტიანო რონალდო შეუტევს. მოგეხსენებათ, პორტუგალიელი ვარსკვლავი წლების განმავლობაში "მანჩესტერში" თამაშობდა, მათთან ერთად "ჩემპიონთა ლიგა" და ოქროს ბურთი აქვს მოგებული.

აღნიშნულ მატჩზე კომენტარი "იუნაიტედის" მთავარმა მწვრთნელმა ჟოზე მოურინიომ გააკეთა:

"ისე უნდა ვითამაშოთ, როგორც ბოლო ორ მატჩში, ჩვენი თამაში სწორედ ეს არის. სანჩესი? იმ ფეხბურთელებს ხედავთ ვინც მწყობრში არიან, არაფერია დამალული - სანჩესი არ იქნება.

რონალდო? ვფიქრობ, კრიშტიანო იმ დონეზე თამაშობს, სადაც ნებისმიერი კითხვა აზრს მოკლებულია. ის ყველა დროის ერთ-ერთი საუკეთესო ფეხბურთლია და საწინააღმდეგოს ვერაფერს მეტყვით. მხოლოდ რონალდო არ არის, მის გვერდზე ტოპ მოთამაშეები აგორებენ ბურთს, როგორებიც: ბონუჩი, კანსელო და ჩანი არიან. მათგან საფრთხეს მოველი.

მნიშვნელოვან თამაშზე ვსაუბრობთ, ჩვენი მიზანი კი დიდი კლუბის დამარცხებაა. საუკეთესო თამაში უნდა ვაჩვენოთ.“ - განაცხადა ჟოზე მოურინიომ

ჟოზე: რონალდო? აქ კითხვები ზედმეტია

უახლესი ამბები