ჩოგბურთი / WTA /
ბოლქვაძე რეიტინგში 46 პოზიციით დაწინაურდა
09/10/2019 17:46
471

ამერიკის ღია პირველობის დასრულების შემდეგ, ქალ ჩოგბურთელთა ასოციაციამ განახლებული რეიტინგი გამოაქვეყნა.

ქართველმა ჩოგბურთელმა, რომელმაც გრანდ სლემის ძირითად ბადეში კარიერაში პირველად იასპარეზა, რეიტინგში დიდი ტრანპლინი განახორციელა. მარიამი 46 პოზიციით დაწინაურდა და ამჟამად მსოფლიო რეიტინგში 156-ე ადგილს იკავებს.

აღსანიშნავია, რომ 21 წლის ქართველმა ჩოგბურთელმა US Open-ის საკვალიფიკაციო ეტაპი წარმატებით გაიარა და ძირითად ბადეში მეორე წრეში გავიდა, სადაც მსოფლიოს მესამე ჩოგანთან, კაროლინა პლიშკოვასთან დამარცხდა.

კიდევ ერთი ქართველი ჩოგბურთელი, WTA-ს რეიტინგში ეკატერინე გორგოძეა, რომელიც 23 პოზიციით დაქვეითდა და 234-ე ადგილს იაკვებს. ოქსანა კალაშნიკოვა კი წყვილთა თანრიგის რეიტინგში ერთი ადგილით წინ წავიდა და 59-ე პოზიციაზეა.

მსოფლიო ათეულში კი რამდენიმე ცვლილებაა. ყოფილმა პირველმა ჩოგანმა, ნაომი ოსაკამ წლის ბოლო გრანდ სლემზე ტიტულის დაცვა ვერ მოახერხა და რეიტინგშიც პირველობა დაკარგა. პირველი ადგილი დაიბრუნა ავსტრალიელმა ეშლი ბარტიმ, მეორეზე კი კაროლინა პლიშკოვა გადავიდა. უკრაინელი ელინა სვიტოლინა ორი პოზიციით დაწინაურდა და მსოფლიოს მესამე ჩოგანია, ხოლო ოსაკა მეოთხე ადგილს დასჯერდა.

ამერიკის ღია პირველობის ჩემპიონი, 19 წლის კანადელი, ბიანკა ანდრეესკუ კი მსოფლიო რეიტინგში ათი პოზიციით პროგრესირდა და ამჟამად მსოფლიოს მეხუთე ჩოგანია.

WTA-ს რეიტინგის ტოპ ათეული კი ასე გამოიყურება:

შეგახსენებთ, რომ ნიკოლოზ ბასილაშვილი ATP-ის რეიტინგში ერთი პოზიციით დაწინაურდა და მეჩვიდმეტე ჩოგანია.

#Flashscore