კალათბურთი / ნაკრებები /
არგენტინამ სერბეთის საოცნებო გეგმები დაასრულა
09/10/2019 19:29
239

ერთგვარი სენსაცია დაფიქსირდა FIBA 2019-ის მეოთხედფინალში, სერბეთის ეროვნული ნაკრები არგენტინასთან, ანგარიშით, 87-97 დამარცხდა.

13 წლის შემდეგ, არგენტინელები მსოფლიო ჩემპიონატის ნახევარფინალში იასპარეზებენ.

სერბებს, ტურნირის დაწყებამდე, უდიდესი ენთუზიაზმი და ამბიციები ჰქონდათ, მათ ისიც კი ახსენეს, რომ აშშ-ის ნაკრებს ჯოჯოხეთს მოუწყობდნენ, მაგრამ სამხრეთ ამერიკელებმა ევროპელებს ყველანაირი ოცნება დაუმსხვრიეს.

ლუის სკოლას ანგარიშზე 20 ქულა გახლდათ, ფაკუნდო კამპასომ კი 18 ქულასა და 12 გადაცემას მოუყარა თავი. სერბეთიდან ბოგდან ბოგდანოვიჩმა მოაგროვა 21 ქულა.

არგენტინას შემდეგი მატჩი  აშშ-ისა და საფრანგეთის ნაკრებებს შორის გამარჯვებულთან ექნება.