კალათბურთი / ნაკრებები /
ბერძნები FIBA-ს არაპროფესიონალიზმში ადანაშაულებენ
09/10/2019 19:38
113

FIBA-ის გარშემო, საორგანიზაციო და მსაჯების შესახებ არსებულ პრობლემებზე საუბრები "ახალი ხილი" არ არის. ახლახანს კი, გავრცელდა ცნობა, რომ საბერძნეთის ეროვნული ნაკრების წარმომადგენლებმა, გუნდის FIBA 2019-იდან გამოვარდნის შემდეგ, ორგანიზაციას ოფიციალური საჩივრის წერილით მიმართეს. ისინი, სწორედ, არბიტრების ქმედებებს აპროტესტებდნენ.

გთავაზობთ ნაკრების მთავარი მწვრთნელის, თანასის სკურტოპულოსის კომენტარს:

"იანისზე დადებული მესამე და მეხუთე ჯარიმები, რომლებიც მას შეტევაში მისცეს, უბრალოდ, უსამართლო და უპატივცემულო იყო. ის არის NBA-ის MVP და ეს საკმარისი არ არის, რომ მან ღირსეული პატივისცემა მიიღოს FIBA-სგან?

ნიკ კალატესმა 37 წუთი გაატარა პარკეტზე, ბურთი, ძირითადად, მას ეჭირა და არც გაჩერებულა, როგორ მოხდა, დღევანდელი კალათბურთის პირობებში, რომ, მის წინააღმდეგ, ჯარიმა, მხოლოდ, ერთხელ დანიშნეს? პირადად, მე დავინახე, როგორ ჰკრეს ორჯერ ხელი, მსაჯებს კი, რეაგირებაც არ ჰქონიათ."