ფეხბურთი / ქართული ფეხბურთი /
კვარაცხელიას და დავითაშვილის სატრანსფერო ფასი გაიზარდა
09/11/2019 13:12
205

ყაზანის რუბინის ქართველი ლეგიონერების, ზურიკო დავითაშვილისა და ხვიჩა კვარაცხელიას სატრანსფერო ფასი გაიზარდა. 

სანაკრებო პაუზის შემდეგ, transfermarkt.com-ზე მოთამაშეთა განახლებული ფასები გამოქვეყნდა, საიდანაც ვიგებთ, რომ საქართველოს ნაკრების დებიუტანტის, ზურიკო დავითაშვილის ფასი 500 ათასი ევროდან 1.5 მილიონი ევრომდე გაიზარდა. 

ანალოგიურ ნიშნულს მიაღწია ხვიჩა კვარაცხელიას სატრანსფერო ფასმაც, რომელიც ძველი მონაცემებით 900 ათას ევროს შეადგენდა. 

Transfermarkt-ის ვერსიით, ყველაზე ძვირადღირებული ქართველი ფეხბურთელი კვლავ მოსკოვის ლოკომოტივის ცენტრალური მცველი, სოლომონ კვერკველიაა, რომლის ფასიც 10 მილიონი ევროა.