ფეხბურთი / ლა ლიგა /
სუარესი ძირითად გუნდს დაუბრუნდა, მესი არ ჩქარობს
09/11/2019 18:08
138

სანაკრებო პაუზა დასრულდა და კლუბებმა ჩემპიონატებისთვის მზადება განაახლეს.

ფეხბურთელები ნაკრებებიდან დაუბრუნდნენ კატალონიის ბარსელონასაც. თუმცა ბარსას გულშემატკივრებისთვის სანაკრებო პაუზის შემდეგ, კიდევ ერთი სასიხარულო ინფორმაცია გავრცელდა.

ტრავმა მოიშუშა და გუნდთან ერთად სრული დატვირთვით ივარჯიშა კატალონიელთა ფორვარდმა, ლუის სუარესმა. ურუგვაელი, შესაძლოა, შაბათს, 14 სექტემბერს, ვალენსიასთან დაპირისპირებაში ძირითად შემადგენლობაშიც ვიხილოთ.

თუმცა კიდევ ერთი ტრავმირებული, გუნდის ლიდერი, ლიონელ მესი დაბრუნებას არ ჩქარობს. ლეომ ტრავმა სეზონის დაწყებამდე მიიღო და მას შემდეგ ინდივიდუალურად ვარჯიშობს. გუნდი კი მის დატვირთვას არ რისკავს. შესაბამისად, ლა ლიგის მეოთხე ტურიც ლეო მესის გარეშე ჩაივლის.