ფეხბურთი / ლა ლიგა /
ვალენსიამ მარსელინო დაითხოვა - კლუბი ცვლილებების მოლოდინშია
09/11/2019 18:23
122

ვალენსიამ მთავარი მწვრთნელის მარსელინო ტორალი, დაკავებული თანამდებობიდან გაათავისუფლა. ესპანური საინფორმაციო საშუალებების ცნობით, დიდი ალბათობით, კლუბს სპორტული დირექტორი, მატეუ ალემანიც დატოვებს.

მარსელინო ვალენსიაში 2017 წლიდან მუშაობს. გასულ სეზონში მან კლუბთან ერთად ესპანეთის თასი მოიგო. ამ ხნის განმავლობაში მარსელინომ "ღამურები" ჩემპიონთა ლიგაზე ორჯერ გაიყვანა.

აღსანიშნავია, რომ მიმდინარე სეზონის ჩემპიონთა ლიგის ჯგუფური ეტაპის პირველ ტურში, ვალენსიას მეტოქე ლონდონის ჩელსი იქნება, რომელსაც 17 სექტემბერს სტუმრად, "სტემფორდ ბრიჯზე" დაუპირისპირდება.

რაც შეეხება "ღამურების" სათამაშო ფორმას ლა ლალიგაში, ვალენსიელებმა სამი ტურის შემდეგ 4 ქულას მოუყარეს თავი და ცხრილში მეათე ადგილს იკავებენ. მეოთხე ტურში კი ისინი სტუმრად ბარსელონას დაუპირისპირდებიან.

ვალენსიაში მარსელინოს შემცვლელად, ესპანეთის 21-წლამდელთა ნაკრების მწვრთნელი, ალბერტ სელადესი დაინიშნა, რომელმაც კლუბთან კონტრაქტი 2021 წლის ზაფხულამდე გააფორმა.