ფეხბურთი / სერია ა /
"ორ თვეში გასახდელის რემონტს კი არა სახლის მშენებლობას ასწრებენ"
09/12/2019 0:44
297

ნაპოლის მთავარმა მწვრთნელმა კარლო ანჩელოტიმ, კლუბის ოფიციალურ ვებგვერდთან საუბრისას, სტადიონის აღდგენითი პროცედურის ვადებსა და გაუმართავობაზე თავისი აღშფოთება ღიად დააფიქსირა:

"ცოტა ხნის წინ "სან პაოლოს" გასახდელი ვნახე და სათქმელის გამოსახატად სიტყვები არ მყოფნის. თავის დროზე მათ თანხმობა განვუცხადე, რომ გუნდს პირველი ორი მატჩი გასვლაზე ჩაეტარებინა, რათა გასახდელის გასარემონტებლად დრო მიმეცა.

ორ თვეში თავისუფლად შეიძლება ადამიანმა სახლი ააშენოს. მათ კი ამ ხნის მანძილზე გასახდელებიც კი ვერ მოაწესრიგეს! როგორ უნდა ვუმასპინძლოთ ან სად უნდა გამოიცვალონ ფეხბურთელებმა სამპდორიასა და ლივერპულთან მატჩებში?

წარმოუდგენელია, როგორ არ ახდენს რეაგირებას ქალაქის მუნიციპალიტეტი მათ არაპროფესიონალიზმზე." – განაცხადა კარლო ანჩელოტი.