ფეხბურთი / პრემიერლიგა /
ზაჰამ აგენტს არსენალში ტრანსფერის ჩაშლა არ აპატია
09/12/2019 11:44
227

კრისტალ პალასის შემტევი უილფრიდ ზაჰა, თავის აგენტთან, უილ სალთჰაუსთან კონტრაქტის გაწყვეტას აპირებს. აღნიშნულ ინფორმაციას Times Sport-ი ავრცელებს.

კოტ'დიუვარელი გარემარბი უკმაყოფილოა, რომ გასულ ზაფხულს კრისტალ პალასის დატოვება ვერ მოახერხა. 26 წლის ფეხბურთელის გადაბირება არსენალს, ევერტონსა და პარი სენ-ჟერმენს სურდათ. 

ყველაზე ახლოს ზაჰა "მეთოფეებში" გადასვლასთან იყო, რომელიც საბოლოოდ ჩაიშალა. ლონდონელებმა კი მის მაგივრად ლილიდან ნიკოლა პეპე გაიფორმეს.