ფეხბურთი / ლა ლიგა /
ნადალი - ფედერერი: ფლორენტინო პერესის გრანდიოზული გეგმა
09/12/2019 17:52
235

მადრიდის რეალის პრეზიდენტი ფლორენტინო პერესი ძალიან საინტერესო საჩოგბურთო მატჩის ორგანიზებას აპირებს, ამის შესახებ გამოცემა abc.es-ი იტყობინება.

საუბარია ორი ლეგენდის, ესპანელი რაფა ნადალის და შვეიცარიელი როჯერ ფედერერის დაპირისპირებაზე, რომელიც პერესის გეგმის თანახმად სანტიაგო ბერნაბეუზე უნდა გაიმართოს.

მოგეხსენებათ, რეალის სტადიონი 80000 მაყურებელს იტევს, ბილეთების სრულად გაყიდვის შემთხვევაში (რაც დიდად სავარაუდოა), საჩოგბურთო მატჩზე დამსწრეთა რაოდენობით აბსოლუტური რეკორდი დამყარდება.

ვნახოთ, რამდენად მოახერხებს ლეგენდარული ფლორენტინო მხარეებთან ყველაფრის მოგვარებას, ეს რომ კარგად შეუძლია ფეხბურთის გულშემატკივარი არაერთხელ დარწმუნებულა.