ფეხბურთი / ჩემპიონთა ლიგა /
ნანატრი ჩემპიონთა ლიგა ბრუნდება - I სათამაშო დღის პრევიუ
09/17/2019 15:58
685

ფეხბურთის გულშემატკივრებისთვის ნანატრი 17 სექტემბერიც დადგა, რაც იმას ნიშნავს, რომ უეფას ჩემპიონთა ლიგა ბრუნდება და ახალი სეზონიც სრულყოფილად განახლდება.

 

20:55 | ინტერი - სლავია

ეს დაპირისპირება გულშემატკივრებისთვის ძალიან საინტერესო იქნება, რადგან ანტონიო კონტეს განახლებული ინტერი ყველას ინტერესს იწვევს, მით უმეტეს გუნდმა სერია ა-ში ყველაფერი მოიგო.

საინტერესოა ძირითადში იქნება თუ არა ჩილელი ალექსის სანჩესი, რომელიც როგორც ჩანს მილანში თავს ბედნიერად გრძნობს და მისგან გაბრწყინებას ელიან. წინასწარი ინფორმაციით, ის თამაშში მეორე ნახევრიდან ჩაერთვება და ასე ეცდება თავის გამოჩენას.

რაც შეეხება სლავიას, მისი ამ ჯგუფში მოხვედრა წინასწარვე გასაგებია რა შედეგით დასრულდება, თუმცა ჩეხებისთვის ეს ძალიან კარგი გამოცდილება იქნება.

 

სავარაუდო შემადგენლობები:

ინტერი - ჰანდანოვიჩი; გოდინი, შკრინიარი, დე ვრეი; ასამოა, სენსი, ბროზოვი, ბარელა, კანდრევა; ლუკაკუ, ლაუტარო.

სლავია - კოლარი; კუნდელა, კუფალი, ჰოვორტა, ზელენი; ჰასბაუერი, სოუსეკი, დეაცი, ოლაინკა, სტანჩუ; შკოდა.

 

 

20:55 | ლიონი - ზენიტი

ეს ჯგუფი ყველაზე არაპროგნოზირებადად ითვლება, რადგან მასში 4 თითქმის თანაბარი დონის კლუბი თამაშობს და მომდევნო ეტაპზე გასვლა ყველას შეუძლია. ამ თამაშსაც შესაბამისად გამოკვეთილი ფავორიტი ნამდვილად არ ჰყავს.

ფრანგებმა ლიგა 1-ის საწყის ორ ტურში მოპოვებული გამარჯვების შემდეგ თამაშს აშკარად მოუკლეს უკანასკნელ ტურებში საშინლად გამოიყურებიან, სამ თამაშში მხოლოდ 2 ქულა აიღეს.

საპირისპიროდ, პეტერბურგელები შესანიშნავ ფორმაში არიან და რუსეთის პრემიერ ლიგას კრასნოდართან ერთად ლიდერობენ, რაც სავარაუდოდ მცირე უპირატესობას მათ მისცემთ.

სავარაუდო შემადგენლობები:

ლიონი - ლოპესი; დინაიერი, ანდერსენი, კონე, დუბუა; აუარი, ტუზარი, რენე-ადელაიდი; დეპაი, დემბელე, ტრაორე.

ზენიტი - ლუნევი; რაკიცკი, ივანოვიჩი, სმოლნიკოვი, სანტოსი; შატოვი, დრიუსი, ოზდოევი, ბარიოსი; აზმუნი, ძიუბა.

 

23:00 | აიაქსი - ლილი

შარშანდელი სეზონის ყველაზე ნათელი გუნდი აიაქსი, მიმდინარე სეზონში საკმაოდ კარგად გამოიყურება. მართალია პაოკთან საპლეიოფო დაპირისპირებაში ცოტათი გაუჭირდა, თუმცა საბოლოოდ კლასის ხარჯზე წარმატებას მიაღწია.

გუნდში დარჩა დონი ვან დე ბიკი, რომელსაც მადრიდის რეალს უკავშირებდნენ, დუშან ტადიჩი და ჰაკიმ ზიეჩი კი კვლავ ლიდერებად ითვლებიან და მათი ყველას უნდა ეშინოდეთ.

ყველაზე დიდი პრობლემა ამსტერდამელებისთვის მაინც დაცვის ცენტრალური ნაწილია, სადაც დეილი ბლინდი თამაშობს, თუმცა ამპლუით ის მარცხენა ფლანგელია, მატიის დე ლიხტის დონის შემცვლელი კი არ ჩანს.

რაც შეეხება ლილს, ამ გუნდმა მთავარი ვარსკვლავი ნიკოლა პეპე დაკარგა, რაც დიდი ალბათობით მათ ძალიან დასუსტებას გამოიწვევს და წელს სამ ფრონტზე ბრძოლაც არ უნდა იყოს ადვილი.

სავარაუდო შემადგენლობები:

აიაქსი - ონანა; შუურსი, ბლინდი, ტალიაფიკო, ველტმანი; ალვარესი, მარტინესი, პრომესი, ზიეჩი, ტადიჩი; ნერეში.

ლილი - მაინანი; ფონტე, გაბრიელი, ბრადარიჩი, ჩელიკი; ანდრე, სუმანე, არაუჟო, იმან, ბამბა; ოსიმენი.

 

 

23:00 | ბენფიკა - ლაიპციგი

ეს ჯგუფი, როგორც ზემოთ აღვნიშნეთ საკმაოდ დაბალანსებულია და ნებისმიერს აქვს პლეიოფში გასვლის შანსი.

ბენფიკამ პორტუგალიის ჩემპიონატი საკმაოდ კარგად დაიწყო და 5 ტურის შემდეგ მხოლოდ ერთი მარცხი აქვს. თუმცა უნდა აღინიშნოს, რომ ბოლო წლებში პორტუგალიელებს ჩემპიონთა ლიგაზე გამოსვლა საკმაოდ უჭირთ და ცუდ შედეგებს აჩვენებენ, ვნახოთ მოახერხებენ თუ არა ამის შეცვლას.

რაც შეეხებათ გერმანელებს, მათ ახალი საკმაოდ ნიჭიერი და ტალანტური მთავარი მწვრთნელი იულიან ნაგელსმანი ჰყავთ, რომლისგანაც ძალიან დიდ წარმატებას ელიან.

სავარაუდო შემადგენლობები:

ბენფიკა - ვლახოდიმოსი; დიასი, ფერო, გრიმალდო, ალმეიდა; ტაარაბტი, ფეისა, რაფა, პიცი; ტომასი, სეფეროვიჩი.

ლაიპციგი - გულაში; კონატე, ორბანი, მუკიელე; კლოსტერმანი, ფორსბერგი, დემე, ჰალსტენბერგი; საბიცერი, ვერნერი, პოულსენი.

 

23:00 | ჩელსი - ვალენსია

ლონდონის ჩელსი ჩემპიონთა ლიგაზე ევროპა ლიგაზე მიღწეული ტრიუმფის შემდეგ, ახალი მთავარი მწვრთნელის ფრენკ ლამპარდის ხელმძღვანელობით ბრუნდება.

ლონდონელებმა სატრანსფერო ბანის გამო ზაფხულის ფანჯარაზე ვერ იაქტიურეს, ამიტომაც ძირითადად განათხოვრებული ფეხბურთელები დაიბრუნეს და რამდენიმე მათგანმა იმედები ნამდვილად გაამართლა.

აღნიშვნის ღირსია ტამი აბრაჰამი და მეისონ მაუნტი, რომლებმაც გუნდის უმეტესობა გოლები გაიტანეს. ახალგაზრდა 9-იანი დიდიე დროგბას მემკვიდრედ მონათლეს და ამ ამპლუას თავს ბრწყინვალედ ართმევს.

რაც შეეხება ვალენსიას, გუნდში სერიოზული პრობლემებია. "ღამურების" ხელმძღვანელობამ მოულოდნელად მთავარი მწვრთნელი მარსელინიო ტორალი გაათავისუფლა, მან გასულ წელს გუნდი ჩემპიონთა ლიგაზე დააბრუნა და ესპანეთის თასი მოაგებინა. საინტერესოა, რომ მწვრთნელმა მიზეზად სწორედ ეს უკანასკნელი შემთხვევა დაასახელა.

სავარაუდო შემადგენლობები:

ჩელსი - კეპა; ტომორი, ზუმა, ასპილიკუეტა, ალონსო; ჟორჟინიო, ბარკლი, კოვაჩიჩი; მაუნტი, პულიშიჩი, აბრაჰამი.

ვალენსია - სილესენი; გარაი, პაულისტა, ვასი, გაია; ტორესი, პარეხო, კონდოგბია, გედეში; მორენო, გომესი.

 

23:00 | ზალცბურგი - გენკი

ეს თამაში მაყურებლის შედარებით ნაკლებ ინტერესს იწვევს, რადგან ერთმანეთს არც თუ ისე სახელოვანი და ვარსკვლავური გუნდები უპირისპირდებიან.

აღსანიშნავია, რომ ავსტრიელებმა ევროპა ლიგის ბოლო ორ გათამაშებაში საკმაოდ კარგი შედეგი აჩვენეს.

რაც შეეხება გენკს, გუნდმა რამდენიმეწლიანი კრიზისი დაძლია და როგორც იქნა ჩემპიონთა ლიგაზე დაბრუნდა.

სავარაუდო შემადგენლობები:

ზალცბურგი - სტანკოვიჩი; რამალიო, ონგუენე, ფარკასი, ულმერი; ოკუგავა, მვეპუ, ბერნედე, მინამინო; ჰალანდი, დაკა.

გენკი - კუცკე; კუესტა, დევაესტი, მაელე, ურონენი; ჰროსოვსკი, ბერგე, ჰეინენი; იტო, ონუაჩო, პაინტსილი.

 

23:00 | დორტმუნდი - ბარსელონა

დღის ერთ-ერთი ცენტრალური შეხვედრა, რომელიც უდავოდ ძალიან დამაინტრიგებელია, რადგან ორივე გუნდს ბევრი რამ აქვს დასამტკიცებელი.

დორტმუნდელები სატრანსფერო ფანჯარაზე ძალიან გაძლიერდნენ და შემადგენლობა საკმაოდ ძლიერი ჰყავთ. თან უნდა აღინიშნოს, რომ გუნდის კაპიტანის მარკო როისის განცხადებით ისინი ბარსელონასთან შეხვედრამ ძალიან გაახარა. როგორც ჩანს "შავ-ყვითლები" მრისხანე მეტოქეს არ უშინდებიან.

რაც შეეხება ბარსელონას, გუნდს უმაღლესი დონის შემადგენლობა ჰყავს, თუმცა ტრავმების ეპიდემია "შეეყარა" და ლაზარეთში უამრავი ფეხბურთელი ჰყავს.

სასიამოვნოა, რომ დიდი ალბათობით ძირითად შემადგენლობას ლეო მესი უბრუნდება, რომლის ტრავმის მოშუშება ძალიან გაიწელა და გულშემატკივრები საკმაოდ ბევრს ნერვიულობდნენ.

სავარაუდო შემადგენლობები:

დორტმუნდი - ბურკი; ჰუმელსი, აკანჯი, გერეირო, ჰაკიმი; ვიტცელი, ვაიგლი, აზარი, როისი, სანჩო; ალკასერი.

ბარსელონა - ტერ შტეგენი; პიკე, ლენგლე, ალბა, სემედუ; არტური, ბუსკეტსი, დე იონგი; მესი, გრიზმანი, სუარესი.

 

23:00 | ნაპოლი - ლივერპული

კიდევ ერთი სუპერ მატჩი. ნეაპოლელებს შარშანდელის გამო ინგლისელებთან რევანში აქვთ ასაღები, თუმცა ჩემპიონთა ლიგის მოქმედ გამარჯვებულთან ამის გაკეთება წარმოუდგენლად რთული იქნება.

ლივერპულელებმა პრემიერ ლიგის მიმდინარე გათამაშება 5 მატჩში მოპოვებული ამდენიმე გამარჯვებით დაიწყეს, უახლოეს მდევარ მანჩესტერ სიტის კი უკვე 5 ქულით უსწრებენ. ასეთი სტარტის შემდეგ, გუნდში ფანტასტიკური განწყობაა და ისინი ნეაპოლელთა დამარცხებასაც აპირებენ.

ფაქტია, რომ ტურნირის გამარჯვებით დაწყება ორივე გუნდისთვის მნიშვნელოვანია და ამისთვის ყველაფერს გააკეთებენ, მცირე უპირატესობა ალბათ მაინც მერსისაიდელების მხარეს იხრება, რადგან როგორც ზემოთ აღვნიშნეთ გუნდი ჩემპიონთა ლიგის მოქმედი გამარჯვებულია.

სავარაუდო შემადგენლობები:

ნაპოლი - მერეტი; კულიბალი, მანოლასი, რუი, ლორენცო; ალანი, რუისი, კალეხონი, ინსინიე; ლოზანო, მერტენსი.

ლივერპული - ადრიანი; ვან დაიკი, მატიპი, რობერტსონი, გომესი; ჰენდერსონი, ფაბინიო, მილნერი; სალაჰი, ფირმინო, მანე.

#Flashscore