სხვა / ჭიდაობა /
იაკობ ქაჯაიამ მსოფლიო ჩემპიონატზე ბრინჯაოს მედალი მოიპოვა
09/17/2019 17:44
336

ყაზახეთის დედაქალაქ ნურ-სულთანში მიმდინარე მსოფლიო ჩემპიონატზე ბერძნულ-რომაული სტილით მოჭიდავეები ბოლო მედლებს ათამაშებენ და ასპარეზობას ასრულებენ.

ბერძნულ-რომაული სტილით მოჭიდავეთა საასპარეზო დღეს საქართველოს სახელით იაკობ ქაჯაიამ იჭიდავა.

დამამშვიდებელ წრეში, ჩილელ მეტოქესთან გამარჯვების შემდეგ, ქაჯაიამ საქართველოს 130კგ წონით კატეგორიაში ოლიმპიური ლიცენზია მოიპოვა და ბრინჯაოს მედლისთვის დაპირისპირებაში გერმანელ ედუარდ პოპს დაუპირისპირდა.

მესამე ადგილისთვის შეხვედრაში იაკობმა გერმანელ მეტოქეს ანგარიშით 5-0 სძლია და მსოფლიო ჩემპიონატზე კარიერაში პირველი ბრინჯაოს მედალი მოიპოვა.

შეგახსენებთ, რომ საქართველოს ბერძნულ-რომაული სტილით მოჭიდავეთა ნაკრების ანგარიშზე ორი ოქროს მედალია, რომელიც ნუგზარ წურწუმიამ და ლაშა გობაძემ მოიპოვეს.

#Flashscore