ფეხბურთი / /
ჩემპიონთა ლიგის მეორე დღე - ორი სუპერმატჩი!
09/18/2019 13:52
538

ჩემპიონთა ლიგის პირველი დღე ძალიან დრამატული გამოდგა, რითაც გულშემატკივრების იმედები ბოლომდე გაამართლა. გუშინდელის მსგავსად დღესაც ორი სუპერმატჩი გვაქვს, ამიტომ დიდი ალბათობით არც 18 სექტემბერი უნდა იყოს ნაკლები.

 

 

20:55 | ბრიუგე - გალათასარაი

ეს მატჩი გულშემატკივრის ყველაზე ნაკლებ ინტერესს იწვევს. უნდა აღინიშნოს, რომ ბელგიურ-თურქული გუნდები ჯგუფში მადრიდის რეალთან და პსჟ-სთან ერთად არიან, შესაბამისად მომდევნო ეტაპზე გასვლის საკმაოდ მცირე შანსი აქვთ.

მასპინძლები უკანასკნელ პერიოდში ბელგიური ფეხბურთის მთავარ გუნდად იქცნენ, ბრიუგემ მოახერხა და ამ პოზიციაზე ანდერლეხტი ჩაანაცვლა. "შავ-ლურჯებს" საკმაო ამბიციები აქვთ და დიდი ალბათობით, როგორც მინიმუმ მესამე ადგილთვის ბრძოლას აპირებენ, ამისთვის კი "გალას" დამარცხება მოუწევთ.

რაც შეეხებათ თურქებს, გუნდს ძალიან საინტერესო ახალწვეული რადამელ ფალკაო ჰყავს, რომლის პრეზენტაციასაც 40000 ადამიანი დაესწრო და მასზე დიდი ავანსებია გაცემული. მცირე უპირატესობა შემადგენლობის უკეთესობის გამო სწორედ გალათასარაის ექნება.

სავარაუდო შემადგენლობა:

ბრიუგე - მინოლე; დელი, მაჩელე, რიკა, კლოდემირი; ვორმერი, ვანაკენი, ბალანტა; დიატა, ორეკე, დენისი.

გალათასარაი - მუსლერა; ლუინდამა, მარკაო, მარიანო, ნაგატომო; ნ'ზონზი, ბელჰანდა, სერი, ბაბელი, ფეგული; ფალკაო.

 

 

20:55 | ოლიმპიაკოსი - ტოტენჰემი

ამ ჯგუფში ფავორიტებად ტოტენჰემი და მიუნხენის ბაიერნი ითვლებიან, ბერძნები კი მათთვის წინააღმდეგობის გაწევას ეცდებიან, თუმცა რამდენად შესწევს გუნდს ამის ძალა ეს საკითხავია.

ინგლისელებმა პრემიერ ლიგა არცთუ ისე კარგად დაიწყეს, თუმცა ოლიმპიაკოსზე ბევრად ძლიერი შემადგენლობა ჰყავს და ამ თამაშის სტუმრად მოგებას შეეცდება. "დეზებს" ტრავმის გამო ჯოვანი ლო სელსო და რაიან სესენიონი დააკლდება.

 

სავარაუდო შემადგენლობები:

ოლიმპიაკოსი - სა; სისე, მერია, კუტრისი, ელამდელაუი; კამარა, გილერმე, ვალბუენა, რანდელოვიჩი, პოდენსე; ელ-არაბი.

ტოტენჰემი - ლორისი; ვერტონგენი, ალდერვეირელდი, უოლკერ-პიტერსი, დევისი; ნდომბელე, სისოკო, ალი, ერიკსენი; სონი, კეინი.

 

 

23:00 | ლევერკუზენი - ლოკომოტივი

ამ გუნდების დაპირისპირება ქართველი გულშემატკივრისთვის საინტერესოა, რადგან რუსული კლუბის შემადგენლობაში ქართველი მცველი საბა კვირკველია ირიცხება. თუმცა უნდა აღინიშნოს, რომ მიმდინარე სეზონში მას ფაქტობრივად არ უწევს თამაში, ამას კი ტრავმაც დაემატა.

რკინიგზელებს საკმაოდ ძლიერი შემადგენლობა ჰყავთ და შესაბამისი ამბიციებიც გააჩნიათ. გუნდმა რუსეთის პრემიერ ლიგაში უკანასკნელ წლებში საკმაოდ მოუმატა, ამის გამეორება მათ ჩემპიონთა ლიგაზეც სურთ, თუმცა ჯერჯერობით არ გამოსდით.

რაც შეეხებათ "ფარმაცევტებს", მათ კარგად დაწყებული ბუნდესლიგის ახალი სეზონი არცთუ ისე კარგად გააგრძელეს. გუნდის მთავარი იმედი, რა თქმა უნდა გერმანული ფეხბურთის ამომავალი ვარსკვლავი კაი ჰავერცია.

სავარაუდო შემადგენლობები:

ლევერკუზენი - ჰრადეცკი; ბენდერი, ტა, ველდელი, ბენდერი; არანგისი, დემირბაი, ჰავერცი, ბელარაბი, ბაილი; ფოლანდი.

ლოკომოტივი - გილერმე; ჰიოვედესი, ჩორლუკა, ჟივოგლიადოვი, რიბუსი; კრიხოვიაკი, ბარინოვი, ჟემელეტდინოვი, იგნატიევი, მარიო; სმოლოვი.

 

 

23:00 | ბაიერნი - ცრვენა ზვეზდა

ამ ჯგუფს, როგორც ზემოთ აღვნიშნეთ ორი ლიდერი ჰყავს, სერბებისთვის კი ჯგუფურ ეტაპზე მონაწილეობაც ძალიან დიდ მიღწევად უნდა ჩაითვალოს.

მიუნხენელებისთვის წლევანდელი წელი გარდამტეხია, თუ მათ რამე ღირებულს ვერ მიაღწიეს სავარაუდოდ ახალი გუნდის მშენებლობას დაიწყენენ. ასე რომ გუნდი ყველა თამაშში მეტოქის განადგურებას ეცდებიან, სერბებს მათი შეტევების გაძლება უნდა გაუჭირდეთ.

სავარაუდო შემადგენლობები:

ბაიერნი - ნოიერი; ზულე, ბოატენგი, პავარი, ერნანდესი; კიმიხი, ალკანტარა, პერიშიჩი, კოუტინიო; კომანი, ლევანდოვსკი.

ცრვენა ზვეზდა - ბორიანი; დეგენეკი, მილუნოვიჩი, გაიჩი, იანდერი; კანიასი, იოვანჩიჩი, ივანიჩი; გარსია, პარა, პავკოვი.

 

 

23:00 | დინამო ზაგრები - ატალანტა

ხორვატებს შესანიშნავი გუნდი ჰყავთ, მათ ზაფხულის სატრანსფერო ფანჯარაზე მოახერხეს ესპანელი დანი ოლმოს შენარჩუნება, რაც დამატებით უპირატესობას აძლევთ.

ბერგამოელები კი ჩემპიონთა ლიგის დებიუტანტები არიან და მათი აქ ყოფნაც უდიდეს წარმატებად ითვლება. მათგან სასწაულებს აღარავინ ელის, ასე რომ ფსიქოლოგიური ფაქტორი მოხსნილი უნდა ჰქონდეთ და შედარებით ლაღად ითამაშონ.

გამოკვეთილი ფავორიტი ამ თამაშს არ ჰყავს, გუნდების შანსი კი დაახლოებით ერთნაირია.

სავარაუდო შემადგენლობები:

დინამო ზაგრები - ლივაკოვიჩი; პერიჩი, თეოფილე-კატერინი, ლეოვაჩი, პინტო; ადემი, მორო, ოლმო, ორშიჩი, ჰაიროვიჩი; პეტკოვიჩი.

ატალანტა - გოლინი; დიმსიტი, მაზიელო, ტოლოი; ფრეულერი, დე რონი, ჰატებორი, გოზენსი, ილიჩიჩი; გომესი, ზაპატა.

 

23:00 | შახტარი - მანჩესტერ სიტი

ეს გუნდები შარშანაც ერთ ჯგუფში იყვნენ და ეს შეხვედრები დონეცკელებს არც ისე კარგად უნდა ახსოვდეთ.

წლევანდელ სეზონში პეპ გუარდიოლას მანჩესტერ სიტი ტურნირის მოგების ერთ-ერთ მთავარ პრეტენდენტად ითვლება, შესაბამისად გუნდმა დღევანდელ შეხვედრაში აუცილებლად უნდა გაიმარჯვოს.

ქართველი გულშემატკივარი, სამწუხაროდ უკრაინელთა შემადგენლობაში ვერ იხილავს დავით ხოჭოლავას, რომელსად ტრავმა აქვს და გუნდს გამოაკლდა.

სავარაუდო შემადგენლობები:

შახტარი - პიატოვი; კრივცოვი, მატვიენკო, ისმაილი, ბოლბატი; პატრიკი, სტეპანენკო, კოვალენკო, ბონფიმი, ტაისონი; მორაეში.

მანჩესტერ სიტი - ედერსონი; ოტამენდი, ფერნანდინიო, ზინჩენკო, კანსელუ; როდრიგო, დე ბრუინი, დავიდ სილვა; სტერლინგი, მაჰრეზი, აგუერო.

 

23:00 | ატლეტიკო - იუვენტუსი

ატლეტიკო და იუვენტუსი ერთმანეთს გასულ სეზონშიც დაუპირისპირდნენ, მერვედფინალურ დრამატულ დაპირისპირებაში გამარჯვება ტურინელებს დარჩათ.

ინტრიგა ამ თამაშსაც ახლავს, რადგან გუნდებს გასული წლის წყენა კვლავ აქვთ და ახალი სეზონის გამარჯვებით დაწყებაც ორივეს უნდა.

მასპინძლებმა საკმაოდ ბევრი ფეხბურთელი შეცვალეს და მეტოქეს განახლებული გუნდით ხვდებიან. საინტერესო იქნება პორტუგალიური დუელი, ახალგაზრდა ჟოაუ ფელიშისა და კრიშტიანუ რონალდუს დაპირისპირება.

ტურინელებს ძალიან ძლიერი შემადგენლობა ჰყავთ და ისინი ჩემპიონთა ლიგის მოგების ერთ-ერთ მთავარ პრეტენდენტად ითვლებიან.

სავარაუდო შემადგენლობები:

ატლეტიკო - ობლაკი; ხიმენესი, სავიჩი, ტრიპიერი, ლოდი; საული, კოკე, კორეა, ლემარი; ფელიში, კოშტა.

იუვენტუსი - შესნი; დე ლიხტი, ბონუჩი, დანილუ, ალექს სანდრო; ხედირა, პიანიჩი, მატუიდი; ბერნანდესკი, რონალდუ, იგუაინი.

 

 

23:00 | პსჟ - რეალი

დღის ცენტრალურ დაპირისპირებად ზემოთ წარმოდგენილ მატჩთან ერთად უდავოდ ფრანგულ-ესპანური დაპირისპირება წარმოადგენს.

სამწუხაროდ, პსჟ-ს ამ თამაშში გუნდის სამი ლიდერი მბაპე, კავანი და ნეიმარი დააკლდება. ამ უკანასკნელს ორმატჩიანი დისკვალიფიკაცია აქვს, ხოლო პირველ ორს კი ტრავმები.

მადრიდელებს ტრავმის შემდენგ, გუნდის ვარსკვლავური ახალწვეული ედენ აზარი დაუბრუნდა. სპეციალისტები მის გაბრწყინებას ელიან, საინტერესო იქნება გარეტ ბეილის ხილვაც.

სავარაუდო შემადგენლობები:

პსჟ - ნავასი; სილვა, კიმპემბე, ბერნატი, მუნიე; გეი, მარკინიოსი, ვერატი; სარაბია, დი მარია, იკარდი.

რეალი - კურტუა, მილიტაო, ვარანი, მარსელო, კარვახალი; კროოსი, ხამესი, კაზემირო; ბეილი, აზარი, ბენზემა.

#Flashscore